ବାତ୍ୟା ୟାସକୁ ନେଇ ରାଜ୍ୟବାସୀଙ୍କୁ ସମ୍ବୋଧନ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

ଭୁବନେଶ୍ୱର -୨୪.୦୫.୨୦୨୧, କରୋନା ମହାମାରୀ ଆତଙ୍କବେଳେ ଆଉ ଏକ ବିପଦ ବାତ୍ୟା “ୟାସ” ଓଡିଶାକୁ ମାଡି ଆସୁଛି । ଏନେଇ ରାଜ୍ୟବସୀଙ୍କୁ ସମ୍ବୋଧନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏକ ଭିଡିଓ ବାର୍ତ୍ତା ମାଧ୍ୟମରେ ମୁଖ୍ୟମନ୍ତ୍ରୀ କହିଛନ୍ତି ଯେ, ଓଡ଼ିଶାର ସାଢ଼େ ୪ କୋଟି ଲୋକ ମୋ ପରିବାର, ପରିବାରକୁ ରକ୍ଷା କରିବା ମୋପାଇଁ ସବୁଠାରୁ ବଡ ପ୍ରାଥମିକତା। । ବର୍ତମାନ ରାଜ୍ୟ ବାସୀଙ୍କୁ ଦୁଇ ଦୁଇଟି ବିପଦର ମୁକାବିଲା କରିବାକୁ ପଡୁଛି । ୨ଟି ଯାକ ବିପତ୍ତିର ମୁକାବିଲା ପାଇଁ ରାଜ୍ୟ ସରକାର ପୂରା ପ୍ରସ୍ତୁତ । ତେଣୁ ଦୁଇଟି ବିପଦ ସମୟରେ ଦୁଇଟି ମାସ୍କ ପିନ୍ଧିବା ଜରୁରୀ । ବାତ୍ୟା ପରେ ବି କୋଭିଡ ପାଇଁ ସତର୍କ ରହିବାକୁ କହିଛନ୍ତି ମୁଖ୍ୟମନ୍ତ୍ରୀ। ତେଣୁ ଯେଉଁଠି ଆଶ୍ରୟ ନେଲେ ବି ୨ଟି ମାସ୍କ ପିନ୍ଧିବାକୁ ମୁଖ୍ୟମନ୍ତ୍ରୀ ପରାମର୍ଶ ଦେଇଛନ୍ତି ।ଏଥିପାଇଁ ପ୍ରଚୁର ମାସ୍କ ଯୋଗାଇବାକୁ ଜିଲ୍ଲାପାଳଙ୍କୁ ନିର୍ଦେଶ ଦିଆଯାଇଛି । ଏହା ସହ ଲୋକମାନଙ୍କୁ ବାତ୍ୟା ଆଶ୍ରୟସ୍ଥଳୀ ଓ ପକ୍କାଘର ଭଳି ନିରାପଦ ସ୍ଥାନରେ ଆଶ୍ରୟ ନେବାକୁ ମୁଖ୍ୟମନ୍ତ୍ରୀ ପରାମର୍ଶ ଦେଇଛନ୍ତି। ।