ମକର ସଂକ୍ରାନ୍ତି ଦିନ ବନ୍ଦ ବାବା ଧବଳେଶ୍ୱର ପୀଠ

କଟକ, ଗୁରୁବାର ୧୪ ତାରିଖ ମକର ସଂକ୍ରାନ୍ତି ଦିନ ବାବା ଧବଳେଶ୍ୱର ପୀଠ ବନ୍ଦ ରହିବ । କରୋନା ପାଇଁ ଦୀର୍ଘ ଦିନର ବ୍ୟବଧାନ ପରେ ବାବା ଧବଳେଶ୍ୱରଙ୍କ ପୀଠ ସର୍ବସାଧାରଣଙ୍କ ପାଇଁ ଖୋଲାଯାଇଥିଲା । କିନ୍ତୁ ମକର ଦିନ ଭିଡ଼କୁ ନଜରରେ ରଖି ଆଠଗଡ଼ ଉପଜିଲ୍ଲାପାଳ ମନ୍ଦିରରେ ଦର୍ଶନ ବନ୍ଦ ଘୋଷଣା କରିଛନ୍ତି । କେବଳ ସେବାୟତମାନଙ୍କ ଦ୍ୱାରା ମନ୍ଦିର ପରିସରରେ ନୀତିକାନ୍ତି କରାଯିବ । ସକାଳ ୫ଟାରୁ ୧୦ଟା ପର୍ଯ୍ୟନ୍ତ ମନ୍ଦିର ପରିସରରେ ୧୪୪ ଧାରା ଲାଗୁ ହେବ ।