କରୋନାରେ ପ୍ରାଣ ହରାଇଲେ ବରିଷ୍ଠ ହାସ୍ୟ ଅଭିନେତା

ଭୁବନେଶ୍ୱର-୨୭.୦୪.୨୦୨୧, କରୋନା ମହାମାରୀ ଏପର୍ଯ୍ୟନ୍ତ ଅନେକ ବିଶିଷ୍ଟ ମାନ୍ୟଗଣ୍ୟ ବ୍ୟକ୍ତିଙ୍କ ଜୀବନ ନେଇସାରିଛି । ଓଡିଆ ହାସ୍ୟ ଜଗତର ବିଶିଷ୍ଟ ହାସ୍ୟ ଅଭିନେତା ଜଗା ରାଉତଙ୍କ କରୋନାରେ ଦେହାନ୍ତ ହୋଇଛି ।ଆଜି ସକାଳେ ଭୁବନେଶ୍ୱରର ଏକ ହସ୍ପିଟାଲରେ ଦେହାନ୍ତ ହୋଇଥିବା ସୂଚନା ରହିଛି । ମୃତ୍ୟୁ ସମୟରେ ତାଙ୍କୁ ୮୫ ବର୍ଷ ବୟସ ହୋଇଥିଲା । ୧୯୫୮ ମସିହାରେ ଯାତ୍ରା ଜୀବନ ଆରମ୍ଭ କରିଥିଲେ ଜଗା ରାଉତ। ସେ ଦୀର୍ଘ ଦିନ ଧରି ଯାତ୍ରା ଜଗତରେ ନିଜର କଳା ପ୍ରଦର୍ଶନ କରି ଆସୁଥିଲେ । ଜଗାଙ୍କ ଅଭିନୀତ ପ୍ରମୁଖ ନାଟକ ହେଉଛି -‘ରାଜଧାନୀ ତୋତେ ଦୂରୁ ଜୁହାର’, ‘ନ କହିଲେ କୂଳ ଭାସିଯାଉଛି’ । ‘ଆକାଶ କଇଁଆ ଚିଲିକା ମାଛ’, ‘କାଗଜ ଫୁଲ’, ‘କହଲୋ ବଉଳ କିଏ ତୋ ବର’ ।