ରାଜ୍ୟରେ କରୋନା ରୋଗୀଙ୍କ ଚିକିତ୍ସାରେ ବ୍ୟବହୃତ ହେଉଥିବା ଔଷଧର ଅଭାବ

ଭୁବନେଶ୍ୱର-୨୭.୦୪.୨୦୨୧, ରାଜ୍ୟରେ ଦ୍ରୁତ ଗତିରେ ସଂକ୍ରମଣ ବଢ଼ିବାରେ ଲାଗିଛି । ଏଭଳି ଗମ୍ଭୀର ପରସ୍ଥିତିରେ ରାଜ୍ୟରେ ଔଷଧର ଅଭାବ ଦେଖାଦେଇଛିି । କରୋନା ରୋଗୀଙ୍କ ଚିକିତ୍ସା ପାଇଁ ବ୍ୟବହୃତ ହେଉଥିବା ରେମେଡେସିଭର ଔଷଧ ଅଭାବ ପରିଲକ୍ଷିତ ହେଉଛି । ଆବଶ୍ୟକତା ଅନୁସାରେ ମେଡିସିନ କମ ମିଳୁଛି । ଏନେଇ ଆଜି ରାଜ୍ୟ ଡ୍ରଗ୍ସ କଣ୍ଟ୍ରୋଲରଙ୍କ ପକ୍ଷରୁ ସୂଚନା ମିଳିଛି ।
ରାଜ୍ୟରେ ଦିନକୁ ଦିନ ସଂକ୍ରମଣରେ ବୃଦ୍ଧି ହେଉଥିବାବେଳେ ପ୍ରତିଦିନ ୬ ହଜାରରୁ ଉର୍ଦ୍ଧ୍ୱ ଆକ୍ରାନ୍ତ ଚିହ୍ନଟ ହେଉଛନ୍ତି ଏପରି ସ୍ଥଳେ ପ୍ରତିଦିନ ରାଜ୍ୟରେ ୨ ହଜାର ରେମେଡେସିଭର ଇଞ୍ଜେକସନ୍ ଆବଶ୍ୟକ ପଡୁଛି । କିନ୍ତୁ ଗତକାଲି କେବଳ ୯୨ଟି ରେମେଡେସିଭର ଆସିଛି । ଯାହାକୁ ବିଭିନ୍ନ ଘରୋଇ ହସ୍ପିଟାଲକୁ ପଠାଯାଇଛି । ସୂଚନାଯୋଗ୍ୟ ଯେ, ରାଜ୍ୟ ଡ୍ରଗ୍ସ କଣ୍ଟ୍ରୋଲର୍ ରେମେଡେସିଭର ଘରୋଇ ହସ୍ପିଟାଲକୁ ଯୋଗାଉଛି ଏବଂ ସରକାରୀ ହସ୍ପିଟାଲକୁ ଔଷଧ ନିଗମ ଯୋଗାଉଛି ।