ବାପ,ପୁଅଙ୍କୁ ମିଳିଲା ଜାମିନ

ଭୁବନେଶ୍ୱର: ବହୁକୋଟି ଦୁର୍ନୀତ୍ତି ମାମାଲାରେ ଛନ୍ଦି ହୋଇ ବିଚାର ବିଭାଗୀୟ ହାଜତରେ ଥିବା ବରିଷ୍ଠ ଆଇଏଫଏସ ଅଧିକାରୀ ଅଭୟକାନ୍ତ ପାଠକ ଓ ତାଙ୍କ ପୁଅ ଆକାଶ ପାଠକଙ୍କୁ ଜାମିନ ମଂଜୁର କରିଛନ୍ତି ଭୁବନେଶ୍ୱରର ସ୍ୱତନ୍ତ୍ର ଅଦାଲତ |ବାପ ଅଭୟ ପାଠକ ଓ ପୁଅ ଆକାଶ ପାଠକଙ୍କ ନାମରେ ସରକାରୀ ତହବିଲରୁ ଲୁଟ ,ଟାଟା କମ୍ପାନୀରେ ଚାକିରୀ କରାଇଦେବାକୁ କହି ଠକେଇ ଆଦି ଦଫାରେ ଦୁର୍ନୀତି ନିବାରଣ ବିଭାଗ ଉଭୟଙ୍କୁ ଗିରଫ କରିଥିଲା |ରାଜ୍ୟ ଭିତରେ ଓ ରାଜ୍ୟ ବାହାରେ ଏମାନଙ୍କର ଦୁର୍ନୀତି ସମ୍ପର୍କରେ ତଦନ୍ତ କରିବା ପାଇଁ ଦୁର୍ନୀତି ନିବାରଣ ବିଭାଗ ପକ୍ଷରୁ ଚଢ଼ାଉ କରାଯାଇଥିଲା |ମାତ୍ର ବିଡମ୍ବନା ଏହିକି ଯେ ,ଆଇନରେ ଥିବା ସ୍ୱତନ୍ତ୍ର ଧାରା ଅନୁଯାୟୀ ଉଭୟଙ୍କୁ ଜାମିନ ପ୍ରଦାନ କରିଛନ୍ତି ଅଦାଲତ |ଧାର୍ଯ୍ୟ ୬୦ଦିନ ଭିତରେ ଅଭିଯୋଗ ଫର୍ଦ ଦାଖଲ କରିବାରେ ଦୁର୍ନୀତି ନିବାରଣ ବିଭାଗ ସକ୍ଷମ ହୋଇପାରି ନାହିଁ |ତଥାପି ମିଳିଥିବା ତଥ୍ୟ ଅନୁସାରେ ଉଭୟଙ୍କ ନାମରେ ଆହୁରି କେସ ଥିବାରୁ ସ୍ୱତନ୍ତ୍ର କୋଟରୁ ଜାମିନ ମିଳିଥିଲେ ମଧ୍ୟ ଅଭୟ ଓ ଆକାଶ ଜେଲରୁ ବାହାରି ପାରିବେ ନାହିଁ |