ଦିଲ୍ଲୀର ଡାକ୍ତରଖାନାରେ ଲାଗିଲା ନିଆଁ

ଦିଲ୍ଲୀ୦୯/୦୬, ଦିଲ୍ଲୀର ଅଗ୍ନିଶମବାହିନୀ ଜୀବନକୁ ବାଜିରେ ଲଗାଇ ୨୦ ନବଜାତ ଶିଶୁଙ୍କ ଜୀବନକୁ ବଞ୍ଚାଇଦେଇଛନ୍ତି । ଦିଲ୍ଲୀର ବୈଶାଳୀ ଅଞ୍ଚଳରେ ନ୍ୟୁ ବର୍ଣ୍ଣ ଚାଇଲ୍ଡ ଡାକ୍ତରଖାନାରେ ନିଆଁ ଲାଗିଯାଇଥିଲା । ଘଟଣାସ୍ଥଳରେ ଅଗ୍ନିଶମବାହିନୀର ଟିମ୍ ପହଞ୍ଚି ନିଆଁକୁ ଆୟତ୍ତ କରିଥିଲା । ଭିତରେ ଥିବା ୨୦ ନବଜାତ ଶିଶୁଙ୍କୁ ମଧ୍ୟ ଉଦ୍ଧାର କରାଯାଇଛି । ଦମକଳବାହିନୀର ୯ଟି ଗାଡି ନିଆଁ ଲିଭାଇବାରେ ନିୟୋଜିତ ରହିଥିଲେ । ଶୁକ୍ରବାର ସକାଳୁ ସକାଳୁ ଏହି ଘଟଣା ଦିଲ୍ଲୀରେ ଚାଞ୍ଚଲ୍ୟ ସୃଷ୍ଟି କରିଛି । ଅଗ୍ନିଶମବାହିନୀର ସଠିକ ସମୟରେ ପଦକ୍ଷେପ କାରଣରୁ ଅନେକ ଜୀବନ ବଞ୍ଚିଯାଇଛି ।