ଶ୍ରୀ କ୍ଷେତ୍ରରେ କଳଙ୍କ; ଗଣଦୁଷ୍କର୍ମର ଶିକାର ହେଲେ ମହିଳା

ପୁରୀ(ଅନନ୍ତ ସିଂ), ଗତ ୧୦ ତାରିଖରେ ପୁରୀରେ ଜଣେ ମହିଳାଙ୍କ ସହ ଗଣଦୁଷ୍କର୍ମ ହୋଇଥିଲା । ସମୁଦ୍ରକୂଳ ନିକଟସ୍ଥ ଦିଗନ୍ତ ଲେନରେ ଥିବା ଏକ ହୋଟେଲ୍ ରେ ଏହି ଅଘଟଣ ଘଟିଥିବା ସୂଚନା ରହିଛି । ଏନେଇ ଘଟଣା ସମ୍ପର୍କରେ କୁମ୍ଭାରପଡ଼ା ଥାନାରେ ଅଭିଯୋଗ କରାଯାଇଥିଲା । କୁମ୍ଭାରପଡ଼ା ପୁଲିସ ଅଭିଯୁକ୍ତ ୨ ଜଣଙ୍କୁ ଗିରଫ କରିଛି । ଅଭିଯୁକ୍ତ ଦୁଇଜଣ ହେଉଛନ୍ତି ନିରାକାରପୁରର ହୃଦାନନ୍ଦ ହରିଚନ୍ଦନ(୩୦) ଓ ବଡ଼ମ୍ବାର ଗାନ୍ଧି ଦଳାଇ(୫୦) ।
ପୋଲିସ ସୂଚନା ମୁତାବକ ଘରେ ଝଗଡ଼ା ଲାଗି ମହିଳା ଜଣକ ଗଞ୍ଜାମରୁ ଚାଲି ଆସିଥିଲେ । ଅଭିଯୁକ୍ତ ଦୁଇଜଣ ମହିଳାଙ୍କୁ ବସଷ୍ଟାଣ୍ଡରୁ ମୋଟର ସାଇକେଲ୍ ଯୋଗେ ନେଇ ମଲ୍ଲିକା ହୋଟେଲ୍ ରେ ଦୁଷ୍କର୍ମ କରିଥିଲେ। ହୃଦାନନ୍ଦ ପୂର୍ବରୁ ସେହି ହୋଟେଲରେ କାମ କରୁଥିଲେ । ବର୍ତ୍ତମାନ ଉଭୟ ହୃଦାନନ୍ଦ ଓ ଗାନ୍ଧୀ ମିସ୍ତ୍ରୀ କାମ କରୁଥିବା ଜଣାପଡିଛି । ଅଭିଯୁକ୍ତ ଦୁଇଜଣଙ୍କ ସୋମବାର କୋର୍ଟ ଚାଲାଣ କରାଯିବ ବୋଲି ପୋଲିସ ସୂତ୍ରରୁ ଜଣାପଡିଛି ।