ହୋଟେଲ ଓ ବାର୍କୁ ଗ୍ରୀନ ସିଗନାଲ
ଭୁବନେଶ୍ୱର, କରୋନା ପାଇଁ ଅନେକ ଦିନରୁ ବନ୍ଦ ପଡ଼ିଛି ହୋଟେଲ, ବାର. ରେଷ୍ଟୁରାଣ୍ଟ । କିନ୍ତୁ ଏବେ ରାଜ୍ୟରେ କରୋନା ସଂକ୍ରମଣ କମିବାରୁ ରାଜ୍ୟ ସରକାର ସମସ୍ତ ରେଷ୍ଟୁରାଣ୍ଟ, ହୋଟେଲ, ବିୟର ପାର୍ଲରକୁ ଖୋଲିବାକୁ ଅନୁମତି ଦେଇଛନ୍ତି । ତେବେ କଣ୍ଟେନମେଣ୍ଟ ଅଞ୍ଚଳରେଥିବା କୌଣସି ହୋଟେଲ ଓ ବାର୍କୁ ଖୋଲିବାକୁ ଅନୁମତି ଦିଆଯାଇନାହିଁ । ସମସ୍ତ ବାର୍ କୋଭିଡ଼ ଗାଇଡ଼ଲାଇନ ମାନିବାକୁ କଡ଼ାକଡ଼ି ନିର୍ଦ୍ଦେଶ ଦିଆଯାଇଛି । ଯେଉଁ ଅଞ୍ଚଳରେ ଖୋଲିବ, ସେ ଅଞ୍ଚଳର ପୋଲିସ ପ୍ରଶାସନ ନଜର ରଖିବେ । ନିୟମ ଉଲଙ୍ଘନ ହେଲେ ସ୍ଥାନୀୟ ଜିଲ୍ଲାପାଳ ବାର୍ ବନ୍ଦ କରିବାକୁ ନିର୍ଦ୍ଦେଶ ମଧ୍ୟ ରହିଛି ।