ପୁରୀରେ ହଇରାଣ ହେଉଛନ୍ତି ହବିଷ୍ୟାଳି

ପୁରୀ(ଏଏନଏସ) ୧୪/୧୦, ଦିନକୁ ଦିନ ଶ୍ରୀକ୍ଷେତ୍ରରେ ହବିଷିଆଳି ମାନଙ୍କ ପ୍ରତି ମନ୍ଦିର ପୋଲିସ ଓ ସେବାୟତଙ୍କ ଅତ୍ୟାଚାର ବଢିଚାଲିଛି । ବାରମ୍ବାର ହବିଷିଆଳିମାନେ ସେବାୟତଙ୍କ ଦୁର୍ବବ୍ୟବହାରର ଶିକାର ହେଉଛନ୍ତି । ଦର୍ଶନ କରିବାକୁ ଯିବା ବେଳେ ଶ୍ରୀମନ୍ଦିର ଭିତରେ ଦୁର୍ବ୍ୟବହାର କରାଯାଉଥିବା ଅଭିଯୋଗ ହୋଇଛି । ଧକ୍କା ମାରିବା ସହ ମାଗଣା ଖିଆ କହି ଟାହିଟାପରା କରୁଥିବାରୁ ହବିଷ୍ୟାଳିଙ୍କ ମଧ୍ୟରେ ବଢ଼ିବାରେ ଲାଗିଛି ଅସନ୍ତୋଷ । ଦୁଇଦିନ ତଳେ ଜଣେ ସେବାୟତ ହବିଷିଆଳିଙ୍କ ଉପରେ ହାତ ଉଠେଇଥିବା ଖବର ପ୍ରସାରିତ ହେବା ପରେ ଏବେ ପୁଣି ବୃନ୍ଦାବତୀ ନିବାସର ଆଉ ଜଣେ ହବିଷିଆଳି ଏହି ଦୁର୍ବବ୍ୟବହାରର ଶିକାର ହୋଇଛନ୍ତି । ହବିଷ୍ୟାଳି ଜଣଙ୍କ ହେଲେ ବୃନ୍ଦାବତୀ ନିବାସରେ ରହୁଥିବା ନୟାଗଡ଼ ଜିଲ୍ଲାର କିଛି ହବିଷ୍ୟାଳି ଏବଂ ତାଙ୍କ ସାଙ୍ଗରେ ଯାଉଥିବା ରେଡକ୍ରସ୍ ସ୍ୱେଚ୍ଛାସେବୀଙ୍କୁ ବି ଜେଟିପି, ସେବାୟତମାନେ ଦୁର୍ବ୍ୟବହାର କରିଛନ୍ତି । ସେବାୟତଙ୍କ ବିରୋଧରେ ଶ୍ରୀ ଜଗନ୍ନାଥ ସଂସ୍କୃତି ଗବେଷକ ଓ ବୃଦ୍ଧିଜୀବୀ ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ଦାବି କରିଛନ୍ତି ।