ରାଜ୍ୟରେ ଗ୍ରୀଷ୍ମପ୍ରବାହ ଜାରି; ୪୦ ଡିଗ୍ରୀ ଉପରେ ୧୫ଟି ସହର

ଭୁବନେଶ୍ବର, ରାଜ୍ୟରେ ଗ୍ରୀଷ୍ମପ୍ରବାହ ଜାରି ରହିଛି । ଦିନକୁ ଦିନ ରାଜ୍ୟର ତାପମାତ୍ରା ବୃଦ୍ଧି ପାଇବାରେ ଲାଗି ରହିଛି । ରାଜ୍ୟରେ ୧୫ଟି ସହରର ତାପମାତ୍ରା ୪୦ ଡିଗ୍ରୀ ଉପରେ ରହିଛି । ପାଣିପାଗ ବିଭାଗର ସୂଚନା ଅନୁସାରେ ୪୨.୨ ଡିଗ୍ରୀ ସହ ଟିଟିଲାଗଡ଼ ଆଜିର ସବୁଠୁ ଉତ୍ତପ୍ତ ସହର । ବାରିପଦା ୪୨ ଡିଗ୍ରୀ, ବଲାଙ୍ଗିର ୪୧.୫ ଡିଗ୍ରୀ, ସମ୍ବଲପୁର ୪୧.୨ ଡିଗ୍ରୀ, ଝାରସୁଗୁଡ଼ା ୪୧.୨ ଡିଗ୍ରୀ, ଅନୁଗୁଳ ଓ ହୀରାକୁଦ ୪୧.୧ ଡିଗ୍ରୀ, ମାଲକାନଗିରି ୪୧ଡିଗ୍ରୀ, ଭବାନୀପାଟଣା ୪୦.୮ ଡିଗ୍ରୀ, ଭୁବନେଶ୍ବର ୪୦.୫ ଡିଗ୍ରୀ, ତାଳଚେର ଓ ନୟାଗଡ଼ ୪୦.୩ ଡିଗ୍ରୀ, କଟକ ଓ ବାଲେଶ୍ବର ୪୦ ଡିଗ୍ରୀ ତାପମାତ୍ରା ରହିଛି ।