ପୁଣି ଚର୍ଚ୍ଚାରେ ନୟାଗଡ, ଗାଁ ଦାଣ୍ଡରେ ଖେଳୁଥିବା ଶିଶୁକନ୍ୟା ନିଖୋଜ

ରଣପୁର- ନୟାଗଡ ଜିଲ୍ଲାର ଝିଅ ପରୀ ହତ୍ୟା ଘଟଣାର ଏଯାଏ ପର୍ଦ୍ଦାଫାଶ ହୋଇନଥିବା ବେଳେ ଏବେ ପୁଣି ଆଉ ଏକ ଛୋଟ ଶିଶୁ କନ୍ୟା ନିଖୋଜ ହେବାର ଅଭିଯୋଗ ହୋଇଛି । ସୂଚନା ଅନୁଯାୟୀ, ନୟାଗଡ଼ ଜିଲ୍ଲାର ରଣପୁର ବ୍ଲକ୍ ଅନ୍ତର୍ଗତ ଦଧିପାଟଣା ଗାଁର ସଞ୍ଜୟ କୁମାର ସାହୁଙ୍କ ତିନି ବର୍ଷର ଝିଅ ହରପ୍ରିୟା ଦାଣ୍ଡରେ ଖେଳୁଥିବା ସମୟରେ ନିଖୋଜ ହୋଇଛି। ଏନେଇ ସୁନାଖଳା ଫାଣ୍ଡିରେ ଗତକାଲି ଏତଲା ଦିଆଯାଇଥିଲା । ଅଭିଯୋଗ ମିଳିବା ପରେ ପୁଲିସ୍ ଏବଂ ଅଗ୍ନିଶମ ବାହିନୀ ଗାଁରେ ଥିବା ତିନିଟି ପୋଖରୀ ଓ ନିକଟସ୍ଥ ଜଙ୍ଗଲ ଖୋଜାଖୋଜି କରିଥିଲେ। ମାତ୍ର କେଉଁଠାରେ ହରପ୍ରିୟାଙ୍କ ପତ୍ତା ମିଳି ନଥିଲା । ଏନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି ।