କଟକରେ ଦେଖିବାକୁ ମିଳିଲା ତାଲିବାନି ଶାସନ
କଟକ (ଏଏନଏସ)୧୭/୧୦, କଟକ ସହରରେ ଦେଖିବାକୁ ମିଳିଛି ଇତିହାସ ଯୁଗର ତାଲିବାନ ଶାସନର ଦୃଶ୍ୟ । ଏହା କୌଣସି ଫିଲ୍ମର କାହାଣୀ ନୁହଁ । ଏହା ହେଉଛି ବାସ୍ତବ କଥା । କଟକ ଚଣ୍ଡୀ ଛକ ନିକଟରେ ଦେଖିବାକୁ ମିଳିଛି ଏଭଳି ଏଭଳି ଦୃଶ୍ୟ । ଧାର ଟଙ୍କା ନ ଫେରାଇବାରୁ ଜଣେ ଯୁବକଙ୍କୁ ୨ ଜଣ ଯୁବକ ଘୋଷାଡି ଘୋଷାଡି ରାସ୍ତାରେ ୨ କିଲୋମିଟର ଯାଏଁ ନେଇଥିଲେ । ଜନଗହଳି ଭରା ବିଚ୍ ରାସ୍ତାରେ ଏହି ଘଟଣା ଘଟିଥିଲେ ମଧ୍ୟ ପୋଲିସ ନିକଟରେ ଏନେଇ କୌଣସି ମାମଲା ରୁଜୁ ହୋଇନାହିଁ । କେହି ଅଭିଯୋଗକାରୀ ମଧ୍ୟ ନଥିବା କହିଛନ୍ତି କଟକ ଡିସିପି । ତେବେ ଖୁବଶୀଘ୍ର ସମସ୍ତ ଅଭିଯୁକ୍ତଙ୍କୁ ଚିହ୍ନଟ କରାଯାଇ ଘଟଣାର ସତ୍ୟାସତ୍ୟ ଅନୁସନ୍ଧାନ କରାଯିବାକୁ ଏକ ତଦନ୍ତ ନିର୍ଦ୍ଦେଶ ଦିଆଯାଇଥିବା କହିଛନ୍ତି ।