ଖାଦ୍ୟ ଖାଇଲା ପରେ ପିଅନ୍ତୁ ନାହିଁ ଥଣ୍ଡାପାଣି

ଯଦି ଆପଣ ଖାଦ୍ୟ ଖାଇବା ପରେ ଥଣ୍ଡା ପାଣି ପିଉଥାନ୍ତି, ତେବେ ତୁରନ୍ତ ଏହି ଅଭ୍ୟାସକୁ ପରିବର୍ତ୍ତନ କରନ୍ତୁ । ଏହା ଆପଣଙ୍କ ସ୍ୱାସ୍ଥ୍ୟକୁ କ୍ଷତି ପହଞ୍ଚାଇପାରେ। ଥଣ୍ଡା ପାଣି ପିଇବା ଆପଣଙ୍କ ହଜମ ଶକ୍ତି ଉପରେ ଖରାପ ପ୍ରଭାବ ପକାଇଥାଏ ଏବଂ ଆପଣଙ୍କ ରୋଗ ପ୍ରତିରୋଧକ ଶକ୍ତି ଦୁର୍ବଳ ହେବାକୁ ଲାଗେ। କେବଳ ଏତିକି ନୁହେଁ, ଥଣ୍ଡା ପାଣି ପିଇବା ଦ୍ୱାରା ଗାଲ୍ ବ୍ଲାଡରକୁ ମଧ୍ୟ କ୍ଷତି ପହଞ୍ଚିଥାଏ। ବାସ୍ତବରେ, ଆମ ଶରୀରର ସାଧାରଣ ତାପମାତ୍ରା ୯୮.୬ ଡିଗ୍ରୀ ଫାରେନ୍‌ହାଇଟ୍ ବା ୩୭ ଡିଗ୍ରୀ ସେଲସିୟସ୍। ଏହି କାରଣରୁ ୨୦-୨୨ ଡିଗ୍ରୀ ସେଲସିୟସ୍ ଥିବା ଜଳ ଆମ ଶରୀର ପାଇଁ ଉପଯୁକ୍ତ। ଏହାଠାରୁ ଅଧିକ ଥଣ୍ଡା ପାଣି ପିଇବା କ୍ଷତିକାରକ । ଆସନ୍ତୁ ଜାଣିବା ଅଧିକ ଥଣ୍ଡା ପାଣି ପିଇବା ଦ୍ୱାରା କ’ଣ ସ୍ୱାସ୍ଥ୍ୟର କ୍ଷତି ହୋଇଥାଏ।

କୋଷ୍ଠକାଠିନ୍ୟ ସମସ୍ୟା : ଥଣ୍ଡା ପାଣି ପିଇଲେ ଆପଣଙ୍କ କୋଷ୍ଠକାଠିନ୍ୟ ସମସ୍ୟା ଆହୁରି ବଢିପାରେ। ଥଣ୍ଡା ପାଣି ପେଟରେ ପହଞ୍ଚି ଷ୍ଟୁଲକୁ କଠିନ କରିଥାଏ ଏବଂ ଯେତେବେଳେ ଆପଣ ଟଏଲେଟ୍ ଯାଆନ୍ତି, ସେତେବେଳେ ଆପଣଙ୍କୁ ଅସୁବିଧାର ସମ୍ମୁଖୀନ ହେବାକୁ ପଡେ। ଅତ୍ୟଧିକ ଥଣ୍ଡା ପାଣି ପିଇବା ଦ୍ୱାରା ପେଟର ବଡ ଅନ୍ତନଳୀ ମଧ୍ୟ ସଙ୍କୁଚିତ ହୁଏ, ଯାହା କୋଷ୍ଠକାଠିନ୍ୟର ମୁଖ୍ୟ କାରଣ। ଯେଉଁମାନଙ୍କର ବାରମ୍ବାର କୋଷ୍ଠକାଠିନ୍ୟ ସମସ୍ୟା ଥାଏ, ସେମାନେ ଥଣ୍ଡା ପାଣି ପିଇବା ଠାରୁ ଦୂରେଇ ରହିବା ଉଚିତ୍।

ହୃଦଘାତ ହେବାର ଆଶଙ୍କା : ଖାଦ୍ୟ ଖାଇବା ପରେ ତୁରନ୍ତ ଥଣ୍ଡା ପାଣି ପିଇବାର ଅଭ୍ୟାସ ଆପଣଙ୍କ ହୃଦୟ ପାଇଁ ବିପଦଜନକ ହୋଇପାରେ। ଏକ ବୈଜ୍ଞାନିକ ଅନୁସନ୍ଧାନରୁ ଜଣାପଡିଛି ଯେ ଭୋଜନ ପରେ ଥଣ୍ଡା ପାଣି ପିଇବା ଦ୍ୱାରା ହୃଦଘାତ ହେବାର ଆଶଙ୍କା ବଢିଥାଏ। ଆନ୍ତର୍ଜାତୀୟ ବୈଜ୍ଞାନିକମାନଙ୍କର ଏକ ଟିମ୍ ଚୀନ୍ ଏବଂ ଜାପାନର ଲୋକଙ୍କ ଉପରେ ଏହି ଅନୁସନ୍ଧାନ ସମାପ୍ତ କରିଛି। ଚୀନ୍ ଏବଂ ଜାପାନର ଲୋକମାନେ ଖାଇବା ପରେ ଥଣ୍ଡା ପାଣି ପିଅନ୍ତି ନାହିଁ। ଏହି ଲୋକମାନେ ଖାଇବା ପରେ ଗରମ ଚା ପିଅନ୍ତି । ଅନୁସନ୍ଧାନକାରୀମାନେ ଜାଣିବାକୁ ପାଇଲେ ଯେ ଏହି ଲୋକଙ୍କଠାରେ ହୃଦଘାତର ସମସ୍ୟା ନାହିଁ।

ଫ୍ୟାଟ୍ କରିଥାଏ ଥଣ୍ଡା ପାଣି : ଥଣ୍ଡା ପାଣି ଖାଦ୍ୟ ସହିତ ମିଶ୍ରିତ ହୋଇ ପେଟରେ ଥିବା ଏସିଡ୍ ସଂସ୍ପର୍ଶରେ ଆସେ ଏବଂ ଏହା ଚର୍ବିରେ ପରିଣତ ହୁଏ। ଯାହା ଅନେକ ଗମ୍ଭୀର ସମସ୍ୟାର କାରଣ ହୋଇପାରେ ।

Leave A Reply

Your email address will not be published.

8 + fifteen =