ଏପ୍ରିଲ୯ରୁ ମାଆ ବୁଢ଼ୀ ଠାକୁରାଣୀ ଯାତ୍ରା

ବ୍ରହ୍ମପୁର( କୃଷ୍ଣ ଚନ୍ଦ୍ର ପାଲ ), ବହୁ ବାଦବିବାଦ ପରେ ଚଳିତ ବର୍ଷ ପ୍ରସିଦ୍ଧ ମାଆ ବୁଢ଼ୀ ଠାକୁରାଣୀଙ୍କ ଯାତ୍ରା କରିବା ନେଇ ଜିଲ୍ଲା ପ୍ରଶାସନ ଅନୁମତି ପ୍ରଦାନ କରିଛନ୍ତି । ସୂଚନା ଅନୁସାରେ ଆସନ୍ତା ମାସ ଏପ୍ରିଲ ୯ରୁ ଏହି ଯାତ୍ରା ଅନୁଷ୍ଠିତ ହେବ। ଏନେଇ ଯାତ୍ରା ମୁଖ୍ୟ ଦେଶୀ ବେହେରା ଯାତ୍ରା ପାଇଁ ତାରିଖ ଘୋଷଣା କରିଛନ୍ତି । ତେବେ ଆଜି ମଧ୍ୟରାତ୍ରରେ ଯାତ୍ରା ପାଇଁ ଶୁଭଖୁଣ୍ଟି ସ୍ଥାପନ ହେବ । ଶୁଭଖୁଣ୍ଟି ସ୍ଥାପନ ପାଇଁ ଆବଶ୍ୟକୀୟ ପ୍ରକ୍ରିୟା ମଧ୍ୟ ଆରମ୍ଭ ହୋଇଯାଇଛି । ଯାତ୍ରା ପାଇଁ ମୁଖ୍ୟ ମନ୍ଦିରରୁ ଅସ୍ଥାୟୀ ମନ୍ଦିରକୁ ଆସିବେ ମା’ ବୁଢ଼ୀ ଠାକୁରାଣୀ ।
ସୂଚନା ଯୋଗ୍ୟ ଯେ, ମାଆ ବୁଢ଼ୀଠାକୁରାଣିଙ୍କ ଏହି ପ୍ରସିଦ୍ଧ ଯାତ୍ରା ପ୍ରତି ଦୁଇ ବର୍ଷରେ ଥରେ ହୋଇଥାଏ ଏବଂ ଏହି ଯାତ୍ରା ପ୍ରାୟ ଏକ ମାସ ଧରି ଚାଲେ କିନ୍ତୁ ଚଳିତ ବର୍ଷ କୋଭିଡ କଟକଣା ପାଇଁ ୭ ଦିନ ଯାତ୍ରା ପାଇଁ ଅନୁମତି ଦିଆଯାଇଛି ।