ବ୍ରହ୍ମପୁର: ର୍ ୧୬ ବର୍ଷ ଧରି କ୍ଷମତାର ଅପବ୍ୟବହାର କରି ବ୍ୟାପକ ଅର୍ଥ ଠୁଳ କରିଛନ୍ତି ଗୋପାଳପୂରର ବିଧାୟକ ପ୍ରଦୀପ ପାଣିଗ୍ରାହୀ । ଟାଟା ମୋଟର୍ସ ଠକେଇ ମାମଲାରେ ଜେଲ ଯିବା ପରେ ପ୍ରଦୀପ ପାଣିଗ୍ରାହୀଙ୍କ ବିରୋଧରେ ଗୋଟିଏ ପରେ ଆଉ ଗୋଟିଏ ଅଭିଯୋଗ ବଢ଼ିବାରେ ଲାଗିଛି । ଏସବୁକୁ ନେଇ ଗଞ୍ଜାମ ଜିଲ୍ଲା ସଭାପତି ତଥା ସାନ ଖେମୁଣ୍ଡି ବିଧାୟକ ରମେଶ ଚନ୍ଦ୍ର ଜେନା ବ୍ରହ୍ମପୁର ସହର ନିକଟ କୁକୁଡାଖର୍ଡିଠାରେ ଏକ ସାମ୍ବାଦିକ ସମ୍ମିଳନି କରି ପ୍ରଦୀପ ପାଣିଗ୍ରାହୀଙ୍କ ଉପରେ ବର୍ଷିଛନ୍ତି ।
ଋମେଶ ଜେନା ସମ୍ମିଳନୀରେ କହିଛନ୍ତି ଯେ, ୨୦୦୪ ମସିହାଠାରୁ ୨୦୨୦ ପର୍ଯ୍ୟନ୍ତ ନିଜ କ୍ଷମତାର ଅପବ୍ୟବହାର କରି ରାଜୁତି ଚଳାଇଥିଲେ । ମାଫିସଆ ମାନଙ୍କ ସହ ରହିଥିଲା ତାଙ୍କର ସୁସମ୍ପର୍କ । ପ୍ରତି ମାସରେ ମାଫିଆମାନଙ୍କଠାରୁ ଆସୁଥିଲା । ପ୍ରାୟ ୯୦ ରୁ ୧ କୋଟି ଟଙ୍କାର ବଟି । କିନ୍ତୁ ଏବେ ତାଙ୍କର କଳାକାରନାମା ସର୍ବସମ୍ମୁଖରେ ଧରାପଡିଛି । ପ୍ରଦୀପଙ୍କ ସମେତ ୩ ଜଣଙ୍କ ଭାଗିଦାରୀରେ ଉତ୍ତରାଖଣ୍ଡ ରେ ଏକ ପାୱାର ପ୍ଲାଣ୍ଟ ରହିଥିବା ଜାଣିବାକୁ ପାଇଲୁ । ସରକାର ଏହାର ତଦନ୍ତ କରନ୍ତୁ ବୋଲି ସେ ମଧ୍ୟ କହିଛନ୍ତି । ପ୍ରଦୀପଙ୍କ ଏହି ଦୁର୍ନୀତିରେ ଜିଲ୍ଲାର କିଛି ବିଜେଡି ବିଧାୟକ ଏବଂ ବ୍ଲକ ଅଧ୍ୟକ୍ଷଙ୍କ ସଂପୃକ୍ତି ରହିଛି । ଏହାର ଭଲଭାବେ ତଦନ୍ତ ହେଉ ବୋଲି ସେ କହିଛନ୍ତି । ଏହି ସାମ୍ବାଦିକ ସମ୍ମିଳନୀରେ ମୋହନା ବିଧାୟକ ଦାଶରଥୀ ଗମାଙ୍ଗ, ମହିଳା ଜିଲ୍ଲା କଂଗ୍ରେସ ସଭାପତି ସ୍ୱରୂପା ତ୍ରିପାଠୀ, ଗୋପାଳପୁର ନିର୍ବାଚନ ମଣ୍ଡଳୀର ଏସ ଧର୍ମରାଜୁ ପ୍ରମୁଖ ଉପସ୍ଥିତ ଥିଲେ ।