ନନ୍ଦନକାନନକୁ ଆସିଲେ ନୂଆ ଅତିଥି

ଭୁବନେଶ୍ୱର: ନୂଆ ରୂପରେ ପ୍ରସ୍ତୁତ ହେଉଛି ନନ୍ଦନକାନନ । ନନ୍ଦନକାନନକୁ ଅଧିକ ଉନ୍ନତତର କରିବା ପାଇଁ ଯୋଜନା ପ୍ରସ୍ତୁତ କରାଯାଉଛି । ଏଥିପାଇଁ ଇନ୍ଦୋରର କମଳାନେହେରୁ ପ୍ରାଣୀ ଉଦ୍ୟାନରୁ ୮ଟି ବନ୍ୟଜନ୍ତୁଙ୍କୁ ଅଣାଯାଇଛି । ସେଥିରେ ରହିଛନ୍ତି ୨ଟି ଧୂସର ଗଧିଆ, ୩ଟି ଘଡ଼ିଆଳ କୁମ୍ଭୀର ,୨ଟି ଏସିଆଟିକ୍ ସିଂହୀ ଏବଂ ଗୋଟିଏ କୋକିଶିଆଳ । ଅନୁମାନ କରାଯାଉଛି ଯେ, ଏହା ଦ୍ୱାରା ପର୍ଯ୍ୟଟକ ଆକୃଷ୍ଟ ହେବେ ଏବଂ ନନ୍ଦନକାନନରେ ପର୍ଯ୍ୟଟକଙ୍କ ସଂଖ୍ୟା ବୃଦ୍ଧି ପାଇବ । ସେପଟେ ପର୍ୟ୍ୟଟନ ଋତୁ ଓ ପ୍ରତିଷ୍ଠା ଦିବସ ପାଇଁ ନନ୍ଦନକାନନକୁ ସୁନ୍ଦର ରୂପ ଦିଆଯାଉଛି । ରଙ୍ଗବେରଙ୍ଗର ଫୁଲ ଦ୍ୱାରା ଅଧିକ ଆକର୍ଷଣୀୟ କରିବା ପାଇଁ ଚେଷ୍ଟା କରାଯାଉଛି ।