ଏଣିକି ଜଗା ଦର୍ଶନ ପାଇଁ ବାଧକ ସାଜିବନି କୋଭିଡ ନେଗେଟିଭ ରିପୋର୍ଟ

ପୁରୀ, ଆସନ୍ତା ୨୧ରୁ ଶ୍ରୀମନ୍ଦିରରେ ଦର୍ଶନ ଲାଗି ଜାରି ହେଲା ଏସଓପି । ଏସଓପି ଅଧାରରେ ଦର୍ଶନ କରିବେ ଭକ୍ତ। ପୁରୀ ଜିଲ୍ଲାପାଳଙ୍କ ଅଧ୍ୟକ୍ଷତାରେ ବସିଥିବା ବୈଠକରେ ଏହି ନିଷ୍ପତ୍ତି ନିଆଯାଇଛି । ତେବେ ଦର୍ଶନ ପାଇଁ କୋଭିଡ୍ ନେଗେଟିଭ ରିପୋର୍ଟ ଆବଶ୍ୟକତା ନାହିଁ । ଦୈନିକ ୩୦ ହଜାର ଭକ୍ତଙ୍କ ଦର୍ଶନ ପାଇଁ ବ୍ୟବସ୍ଥା କରାଯାଇଛି । ଯଦି ୩୦ ହଜାରରୁ ଅଧିକ ଭକ୍ତ ଆସନ୍ତି ତେବେ ଦର୍ଶନ ପାଇଁ ସ୍ବତନ୍ତ୍ର ବ୍ୟବସ୍ଥା କରାଯିବ । ଦିବ୍ୟାଙ୍ଗ ଓ ୬୫ ବର୍ଷରୁ ଅଧକ ବୟସ୍କଙ୍କ ପାଇଁ ସ୍ବତନ୍ତ୍ର ଧାଡ଼ି ରହିବ । ପୁରୀବାସୀ ନିଜନିଜର ପରିଚୟପତ୍ର ଦେଖାଇ, ସକାଳ ୬ଟାରୁ ସିଂହଦ୍ବାରରେ ପ୍ରବେଶ କରି ଦର୍ଶନ କରିପାରିବେ ।