ନିର୍ବାଚନ ଲଢିବେ ରାଜୁଦାସ

ଭଦ୍ରକ (ଏଏନଏସ)୧୭/୧୦, ଆଜି ଧାମ ନଗର ନିର୍ବାଚନ ପାଇଁ ପ୍ରାର୍ଥୀପତ୍ର ଦାଖଲ କରିବାର ଶେଷ ଦିନ । ଏବେ ନଜର ରିହିଛି ସ୍ୱାଧୀନ ଭାବେ ପ୍ରାର୍ଥୀପତ୍ର ଦାଖଲ କରିଥିବା ରାଜୁ ଦାସ ପ୍ରାର୍ଥୀପତ୍ର ପ୍ରତ୍ୟାହାର କରିବେ କି ନାହିଁ । ଅନ୍ୟପଟେ ଗଣମାଧ୍ୟମ ଆଗରେ ପ୍ରାର୍ଥୀପତ୍ର ପତ୍ୟାହାର କରିବାର ପ୍ରଶ୍ନ ଉଠୁନାହିଁ ବୋଲି ସ୍ପଷ୍ଟ କରିଛନ୍ତି ରାଜୁ ଦାସ । ଗଣମାଧ୍ୟମ ଆଗରେ ପ୍ରତିକ୍ରିୟା ରଖି ରାଜୁ ଦାସ କହିଛନ୍ତି, ପ୍ରାର୍ଥିପତ୍ର ପ୍ରତ୍ୟାହାର କରିବାର ପ୍ରଶ୍ନ ଉଠୁନି । ମୁଁ କାହା ଚାପରେ ବସବର୍ତ୍ତୀ ହୋଇନି । ଧାମନଗରବାସୀଙ୍କ ଚାପରେ ବଶବର୍ତ୍ତୀ ହୋଇଛି । ଧାମନଗରର ପ୍ରତ୍ୟେକ ମାଆ ଏବଂ ବୟସ୍କ ଲୋକ ମତେ ପ୍ରେରଣା ଦେଉଛନ୍ତି । କହିଛନ୍ତି ତୁମେ ସ୍ୱାଭିମାନର ଲଢେଇ ପାଇଁ ଆଗକୁ ଗୋଡ କାଢ ଆମେ ତୁମ ସାଙ୍ଗରେ ରହିଛୁ, ଆମେ ତମ ସାଙ୍ଗରେ ଲଢିବୁ ।  କୌଣସି ପଦପଦବୀ ପାଇଁ ମୋର ଲୋଭ ନାହିଁ । ଜନଶକ୍ତି ଆଗରେ ସବୁ ଶକ୍ତି ଫେଲ ମାରିବ । ଲୋକଙ୍କ ସହ ରହିଛି, ଆଉ ଲୋକେ ବି ମୋ ସହିତ ରହିଛନ୍ତି । ମୋର ବିଜୟ ନିଶ୍ଚୟ ହେବ ।