ଭୁବନେଶ୍ୱର(ଏଏନଏସ): ଛାତ୍ରଛାତ୍ରୀଙ୍କ ପାଇଁ ବଡ଼ ଖବର। ଖୁବଶିଘ୍ର ପ୍ରକାଶ ପାଇବ ମାଟ୍ରିକ୍ ରେଜଲ୍ଟ। ମେ ଦ୍ବୀତିୟ ସସ୍ତାହ ସୁଦ୍ଧା ମାଟ୍ରିକ୍ ପରୀକ୍ଷା ଫଳ ପ୍ରକାଶ ପାଇବ । ବୋର୍ଡ଼ ମାଧ୍ୟମିକ ଶିକ୍ଷା ପରିଷଦ ଦ୍ବାରା ପରିଚାଳିତ ମାଟ୍ରିକ୍ ପରୀକ୍ଷା ଉତ୍ତର ଖାତା ମୂଲ୍ୟାଙ୍କର ତୃଟି ଯାଂଚ ଓ ସଂଶୋଧନ ପ୍ରକ୍ରିୟା ଶେଷ ପର୍ଯ୍ୟାୟରେ ରହିଛି। ପ୍ରଥମ ଥର ଲାଗି ବୋର୍ଡ଼ ପକ୍ଷରୁ ମାଟ୍ରିକ୍ ଛାତ୍ରଛାତ୍ରୀଙ୍କୁ ଡିଜିଟାଲ୍ ପ୍ରମାଣପତ୍ର ପ୍ରଦାନ କରାଯିବ। ପରୀକ୍ଷା ଫଳ ପ୍ରକାଶ ପାଇବାର ଦିନକ ମଧ୍ୟରେ ଛାତ୍ରଛାତ୍ରୀ ବୋର୍ଡ଼ ଓ୍ବେବସାଇଟ୍ ରୁ ଡିଜିଟାଲ୍ ପ୍ରମାଣପତ୍ର ଡାଉନଲୋଡ୍ କରିପାରିବେ।
ଉକ୍ତ ଅନଲାଇନ୍ ପ୍ରମାଣପତ୍ର ସମସ୍ତ କ୍ଷେତ୍ରରେ ଗ୍ରହଣୀୟ ହେବ। ଯଦି କୌଣସି କାରଣରୁ ଅନଲାଇନ୍ ପ୍ରମାଣପତ୍ର ହଜିଯାଏ । ତେବେ ପୁଃନ ଅନଲାଇନ୍ ଯୋଗେ ନକଲି ପ୍ରମାଣପତ୍ର ଲାଗି ୫୦୦ ଟଙ୍କା ଜରିମାନା ଦେବାକୁ ପଡି଼ବ। ଏନେଇ ବୋର୍ଡ଼ ସଭାପତି ଶ୍ରୀକାନ୍ତ ତରାଇ ସୂଚନା ଦେଇ କହିଛନ୍ତି, ପରୀକ୍ଷା ଫଳ ପ୍ରକାଶର ମାସକ ମଧ୍ୟରେ ଛାତ୍ରଛାତ୍ରୀ ପ୍ରମାଣପତ୍ରର ପ୍ରିଣ୍ଟ କପି ପାଇପାରିବେ। ଗତ ଫେବୃଆରୀ ୨୦ରୁ ମାର୍ଚ୍ଚ ୪ ତାରିଖ ପର୍ଯ୍ୟନ୍ତ ମାଟ୍ରିକ୍ ପରୀକ୍ଷା ଅନୁଷ୍ଠିତ ହୋଇଥିଲା। ଚଳିତ ବର୍ଷ ୫ ଲକ୍ଷ ୫୧ ହଜାର ୬୧୧ ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିଲେ।
