ଫୋନପେ’ରେ ଲାଞ୍ଚ

ପୁରୀ(ଏଏନଏସ)୦୪/୦୫, ସାମ୍ନ ସାମ୍ନି ଲାଞ୍ଚ କାରବାର ହେବା ବିଷୟରେ ସମସ୍ତେ ଜାଣନ୍ତି । କିନ୍ତୁ ଏବେ ଫୋନପେ’ରେ ମଧ୍ୟ ଲାଞ୍ଚ ଞ୍ଚକାରବାର କରାଯାଉଛି । ଏଭଳି ଅଭିଯୋଗ ଆସିଛି ପୁରୀ ଜିଲ୍ଲା ଅସ୍ତରଙ୍ଗ ତହସିଲ କାର୍ଯ୍ୟାଳୟରୁ । ଅସ୍ତରଙ୍ଗ ତହସିଲରେ କାର୍ଯ୍ୟକରୁଥିବା କର୍ମଚାରୀ ପ୍ରଶାନ୍ତ କୁମାର ପାତ୍ର ଫୋନପେ’ରେ ଲାଞ୍ଚ ନେଉଥିବା ଅଭିଯୋଗ ହୋଇଛି । ସିସିଟିଭିରେ ଧରା ପଡିଯିବା ଭୟରେ ସେ ଫୋନପେ’ରେ ଲାଞ୍ଚ ନେଉଥିବା ଅଭିଯୋଗ ହୋଇଛି ।
ସୂଚନାରୁ ପ୍ରକାଶ ଯେ ନୂଆଗଡ ଗ୍ରାମର ଅଶୋକ କୁମାର ବାରିକଙ୍କ ପତ୍ନୀ ଭାରତୀ ବାରିକଙ୍କର କୋଭିଡରେ ମୃତ୍ୟୁ ହୋଇଥିଲା । ସରକାରଙ୍କ ଅନୁକମ୍ପା ପାଇବା ପାଇଁ ତହସିଲର ଯାଞ୍ଚ ଚାଲିଥିବା ବେଳେ ସେଠାରେ ପ୍ରଶାନ୍ତ ଅତିରିକ୍ତ ଜିଲ୍ଲାପାଳ ଓ ରାଜସ୍ବ ନୀରିକ୍ଷକଙ୍କ ନାମରେ ୫୦୦ ଟଙ୍କା ମାଗିଥିଲେ । ଅଶୋକ ଟଙ୍କା ଆଣି ନଥିବା କହିବା ସତ୍ତ୍ୱେ ମଧ୍ୟ ବାଧ୍ୟ ପ୍ରଶାନ୍ତ ବାଧ୍ୟ କରି ଫୋନପେ’ରେ ନେଇଥିଲେ । ଭାଇରାଲ ଭିଡିଓରେ ପ୍ରଶାନ୍ତ ଓ ଅଶୋକଙ୍କ ମଧ୍ୟରେ ହୋଇଥିବା ବାର୍ତ୍ତାଳପରୁ ଜଣାପଡିଛି । ଏପରି ଅନେକ କଥା କହି ସାଧାରଣ ଲୋକଙ୍କ ଠାରୁ ଲାଞ୍ଚ ଆଦାୟ କରିବା ଘଟଣା ଅସ୍ତରଙ୍ଗ ଅଞ୍ଚଳରେ ବେଶ ଚର୍ଚ୍ଚାର ବିଷୟ ପାଲଟିଯାଇଛି ।