ଭୁବନେଶ୍ୱର- ବିଧାନସଭା ନିକଟ ଜୟଦେବ ଭବନ ସାମ୍ନାରେ ପୁଣି ଆତ୍ମାହୁତି ଉଦ୍ୟମ କରିଛନ୍ତି ଜଣେ ମହିଳା । ମହିଳା ଜଣକ ଜଗତସିଂହପୁର କୁଜଙ୍ଗ ଅଞ୍ଚଳର ହୋଇଥିବା ସୂଚନା ରହିଛି । ଦେହରେ ପେଟ୍ରୋଲ ଢ଼ାଳିବା ସମୟରେ କାବୁ କରିଛି ପୋଲିସ । ଆତ୍ମାହୁତି ଉଦ୍ୟମ କରିଥିବା ମହିଳା ଓ ତାଙ୍କ ପୁଅ ଗିରଫ ହୋଇଛନ୍ତି । ଉଭୟ ମା ଓ ପୁଅକୁ ଗିରଫ କରିଛି କମିଶନରେଟ ପୋଲିସ । ଏଠାରେ ସୂଚନାଯୋଗ୍ୟ ଯେ, ଗତକାଲି ବିଧାନସଭା ସନ୍ନିକଟରେ ଏଭଳି ଏକ ଅନୁରୂପ ଘଟଣା ଘଟିବାକୁ ଯାଉଥିଲା । କମିଶନରେଟ ପୋଲିସ ତରଫରୁ ବିଧାନସଭା ଚାରିପଟେ କଡାସୁରକ୍ଷା ବଳୟ କରାଯାଇଥିଲେ ହେଁ ଏଭଳି ଘଟଣା କିଭଳି ଘଟିବାକୁ ଯାଉଛି ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।