ବଜ୍ରପାତ ସହ ବର୍ଷା ନେଇ ୧୮ ଜିଲ୍ଲାରେ ସତର୍କ ସୂଚନା ଜାରି

ଭୁବନେଶ୍ୱର -୨୨.୦୫.୨୦୨୧, ରାଜ୍ୟର କିଛି ଜିଲ୍ଲାରେ ପ୍ରବଳ ବର୍ଷା ହେବା ସହ ଭୀଷଣ ବଜ୍ରପାତ ହେଉଥିବାର ଦେଖିବାକୁ ମିଳିଛି। ତେବେ ଆଗାମୀ ୨୪ ଘଣ୍ଟା ପାଇଁ ରାଜ୍ୟର ୧୮ଟି ଜିଲ୍ଲାକୁ ବଜ୍ରପାତ ସହ ବର୍ଷା ନେଇ ୟେଲୋ ୱାର୍ଣ୍ଣିଂ ଜାରି କରିବା ସହ ସତର୍କ ସୂଚନା ଜାରି କରିଛି ପାଣିପାଗ ବିଭାଗ। ୟେଲୋ ୱାର୍ଣ୍ଣିଂ ଜାରି ହୋଇଥିବା ଜିଲ୍ଲା ଗୁଡିକ ଯଥା କଟକ, ଜଗତସିଂହପୁର,ଯାଜପୁର, କେନ୍ଦ୍ରାପଡ଼ା, ନୟାଗଡ଼,କୋରାପୁଟ, ଖୋର୍ଦ୍ଧା, ମାଲକାନଗିରି, ପୁରୀ, ଗଜପତି, ମୟୂରଭଞ୍ଜ, ରାୟଗଡ଼ା,ବାଲେଶ୍ୱର, ଭଦ୍ରକ, କନ୍ଧମାଳ, କେନ୍ଦୁଝର, ଗଞ୍ଜାମ ଓ ଢେଙ୍କାନାଳରେ ପ୍ରବଳ ବର୍ଷା ଓ ବଜ୍ରପାତ ହେବ । ଏହି ଜିଲ୍ଲାବାସୀଙ୍କୁ ସତର୍କ ରହିବା ସହ ସୁରକ୍ଷିତ ସ୍ଥାନରେ ଆଶ୍ରୟ ନେବାକୁ ପାଣିପାଗ ବିଭାଗ ପରାମର୍ଶ ଦେଇଛି ।