ପିପିଲି ଉପନିର୍ବାଚନ ନେଇ ପ୍ରତିକ୍ରିୟା ରଖିଲେ ରୁଦ୍ର ମହାରଥୀ
ପିପିଲି: ସ୍ବର୍ଗତ ବିଧାୟକ ପ୍ରଦୀପ ମହାରଥୀଙ୍କ ମୃତ୍ୟୁ ପରେ ପିପିଲିରେ ହେବାକୁ ଯାଉଛି ଉପନିର୍ବାଚନ | ଯାହାକୁ ନେଇ ପୁରା ରାଜ୍ୟ ସହିତ ରାଜନୈତିକ ମହଲରେ ଚର୍ଚ୍ଚା ଜୋର ଧରିଛି |ପ୍ରଦୀପ ମହାରଥୀ ସରକାରୀ ଦଳର ଅର୍ଥାତ ବିଜେଡିରୁ ବିଧାୟକ ଥିଲେ ତାଙ୍କର ମୃତ୍ୟୁ ପରେ ଦଳର ସଭାପତି କାହାକୁ ଟିକେଟ ଦେବେ ତାକୁ ନେଇ ଛକାପଞ୍ଝା ଦେଖା ଦେଇଥିବାବେଳେ ଆଜି ଏନେଇ ଦିବଂଗତ ବିଧାୟକ ପ୍ରଦୀପ ମହାରଥୀଙ୍କ ପୁଅ ରୁଦ୍ର ମହାରଥୀ ପ୍ରତିକ୍ରିୟା ରଖିଛନ୍ତି ,ସେ କହିଛନ୍ତି ଆମ ପରିବାରରେ ପ୍ରାର୍ଥୀ ହେବା ନେଇ କୌଣସି ଦ୍ଵନ୍ଦ ନାହିଁ, ଆମେ ସବୁବେଳେ ମାଟି ପାଇଁ କାମ କରୁଛୁ, ଦଳ ଯାହାକୁ ପ୍ରାର୍ଥୀ କରିବ ଆମେ ସମର୍ଥନ କରିବୁ ,ଯାହାକୁ ବି ଦାୟିତ୍ୱ ମିଳିବ ମାଟିର ବିକାଶ ପାଇଁ କାମ କରିବୁ, ଯୁବକ, ମହିଳା ଓ ପିପିଲିର ଉନ୍ନତି ଆମର ପ୍ରସଙ୍ଗ ହେବ | ବାପାଙ୍କ ଅଧୁରା ସ୍ବପ୍ନ ଓ ବିକାଶମୂଳକ କାର୍ଯ୍ୟ ପୂରା କରିବା ମୋର ଲକ୍ଷ୍ୟ |