ଏଏନଏସ : କୋରାପୁଟ ଓ ଗଜପତି ଜିଲ୍ଲାରେ ପ୍ରବଳ ବର୍ଷା ଲାଗି ରହିଛି। ବର୍ଷା ପାଇଁ ଉଭୟ ଜିଲ୍ଲାରେ ରେଡ୍ ୱାର୍ଣ୍ଣିଂ ଜାରି କରାଯାଇଛି। ପ୍ରବଳ ବର୍ଷା ସ୍ଥିତିକୁ ଦେଖି ଆଜି ଉଭୟ ଜିଲ୍ଲାରେ ସମସ୍ତ ସ୍କୁଲ ଛୁଟି ଘୋଷଣା କରିଛି ପ୍ରଶାସନ । ଏଥିସହ ଜିଲ୍ଲାର ସମସ୍ତ ଅଙ୍ଗନବାଡ଼ି କେନ୍ଦ୍ର ମଧ୍ୟ ବନ୍ଦ ରଖିବାକୁ ନିର୍ଦ୍ଦେଶ ଦିଆଯାଇଛି।
ଅନ୍ୟପଟେ କୋରାପୁଟ ନାରାୟଣପଟଣା ବ୍ଲକରେ ଡେଙ୍ଗୁ ରୋଗ ଚିନ୍ତା ବଢ଼ାଉଛି। ସପ୍ତାହ ମଧ୍ୟରେ ଡେଙ୍ଗୁ ରୋଗରେ 3 ଜଣ ପ୍ରାଣ ହରାଇଥିବା ବେଳେ 50ରୁ ଅଧିକ ରୋଗୀ ଆକ୍ରାନ୍ତ ଅଛନ୍ତି। ସେମାନଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି।
