ସ୍କୁଲ ପିଲା ପାଇବେ ହାପିନେସ୍ କିଟ୍
ଭୁବେନଶ୍ୱର, ସ୍କୁଲରେ ପିଲାଙ୍କୁ ଦିଆଯିବ ହାପିନେସ୍ କିଟ୍ । କିଟରେ ରହିବ ପୁଷ୍ଟିକର ଖାଦ୍ୟ | ପିଲାଙ୍କ ରୋଗ ପ୍ରତିରୋଧକ ଶକ୍ତି ବଢାଇବା ଲାଗି ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ଏ ପଦକ୍ଷେପ ନିଆଯାଇଛି । ଏହି କିଟ୍ରେ ରହିବ ଅଟା, ଚଣା, ହଳଦୀ ଗୁଣ୍ଡ, ଡାଲଚିନ୍, ଚିନା ବାଦାମ ଓ ଗୁଡ ଭଳି ଇମ୍ୟୁନିଟି ବୁଷ୍ଟର ସାମଗ୍ରୀ ଏବଂ ଏହାସହ ପେନ୍, ପେନସିଲ, ନୋଟ୍ ପ୍ୟାଡ୍, ସାନିଟାରୀ ନାପକିନ୍, ଟୁଥ୍ ପେଷ୍ଟ, ଆୟୋଡିନ ଲୁଣ ଓ ସାବୁନ ଇତ୍ୟାଦି ମଧ୍ୟ କୀଟରେ ରହିବ | ଅକ୍ଷୟ ପାତ୍ର ଫାଉଣ୍ଡେସନ୍ ପକ୍ଷରୁ ପ୍ରଥମ ପର୍ଯ୍ୟାୟରେ ପୁରୀ,ଖୋର୍ଦ୍ଧା, କଟକ,ସୁନ୍ଦରଗଡ଼ ଓ ନୟାଗଡ଼ର ଛାତ୍ରଛାତ୍ରୀଙ୍କୁ ଏହି କିଟ୍ ବଣ୍ଟନ କରାଯିବ। ଏହା ଦ୍ୱାରା ୧୯୧୬ ସ୍କୁଲର ୧ ଲକ୍ଷ ୮୩ ହଜାର ଛାତ୍ରଛାତ୍ରୀ ଉପକୃତ ହେବେ ବୋଲି ଆଶା କରାଯାଉଛି | ଫେବ୍ରୁଆରୀ ପ୍ରଥମ ସପ୍ତାହରେ ଏହି ହାପିନେସ୍ କିଟ୍ ବଣ୍ଟନ ପ୍ରକ୍ରିୟା ଆରମ୍ଭ ହେବ ।