ବେଳାଭୂମି ପାଇଁ ଜାରି ହେଲା ୧୪୪ ଧାରା

କେନ୍ଦ୍ରାପଡ଼ା, କେନ୍ଦ୍ରାପଡ଼ା ଜିଲ୍ଲାପାଳ ସମର୍ଥ ବର୍ମାଙ୍କ ନିର୍ଦ୍ଦେଶ କ୍ରମେ ଉପଜିଲ୍ଲାପାଳ ଜ୍ୟୋତିପ୍ରକାଶ ସାମନ୍ତରାୟ ରାଜନଗର ପେଣ୍ଠ ବେଳାଭୂମି ପାଇଁ  ୧୪୪ ଧାରା ଜାରି କରିଛନ୍ତି। ୧୫ ଦିନ ମଧ୍ୟରେ ପେଣ୍ଠ ସମୂଦ୍ରରେ ବୁଡ଼ି ଦୁଇଜଣଙ୍କ ଜୀବନ ଯିବାପରେ ପର୍ଯ୍ୟଟକଙ୍କ ସୁରକ୍ଷା ଦୃଷ୍ଟିରୁ ଆଜି କେନ୍ଦ୍ରାପଡ଼ା ଜିଲ୍ଲା ପ୍ରଶାସନ ପକ୍ଷରୁ ବେଳାଭୂମି ପାଇଁ ଏହି କଟକଣା ଲାଗୁ କରାଯାଇଛି । ଏହି ନିୟମକୁ ଅମାନ୍ୟ କଲେ ତାଙ୍କ ବିରୋଧରେ କଡ଼ା କାର୍ଯ୍ୟନୁଷ୍ଠାନ ଗ୍ରହଣ କରାଯିବ ବୋଲି ପ୍ରଶାସନ ପକ୍ଷରୁ ସୂଚନା ଦିଆଯାଇଛି।