ଶିଶୁ ମୃତ୍ୟୁକୁ ନେଇ ଉତ୍ତେଜନା

ଭୁବନେଶ୍ୱର (ଏଏନଏସ)୧୫/୧୦, ଡାକ୍ତରଙ୍କ ଅବହେଳା ଯୋଗୁଁ କ୍ୟାପିଟାଲ୍ ହସ୍ପିଟାଲରେ ନବଜାତ ଶିଶୁର ମୃତ୍ୟୁ ହୋଇଥିବା ଅଭିଯୋଗ ଆଣିଲେ ପରିବାର ଲୋକେ । କ୍ୟାପିଟାଲ୍ ହସ୍ପିଟାଲରେ ଦୁଇ ଦିନ ପୂର୍ବରୁ ବାଲିପାଟଣା ମାର୍ଥାପୁର ଗାଁର ବାସିନ୍ଦା ରାକେଶ ପାତ୍ରଙ୍କର ଶିଶୁ ପୁତ୍ର ଜନ୍ମ ହୋଇଥିଲା । ଶୁକ୍ରବାର ଅପରାହ୍ନରେ ଶିଶୁଟି ସୁସ୍ଥ ଥିବା ଡାକ୍ତର କହିଥିଲେ । କିନ୍ତୁ ଚିକିତ୍ସା କରିବାର ଦୁଇ ଘଣ୍ଟା ପରେ ଶିଶୁଟିର ମୃତ୍ୟୁ ହୋଇଥିବା ନେଇ ଡାକ୍ତର ଘୋଷଣା କରିଥିଲେ । ତେବେ ଶିଶୁଟିର ସ୍ୱାସ୍ଥ୍ୟାବସ୍ଥା ନେଇ ଡାକ୍ତର ସଠିକ୍ ସୂଚନା ଦେଇନଥିବା ଅଭିଯୋଗ ଆଣିଛନ୍ତି ପରିବାର ଲୋକେ । ଶିଶୁଟିର ମୃତ୍ୟୁର କାରଣ କ’ଣ ମଧ୍ୟ ଡାକ୍ତର କହିନଥିବା ପରିବାର ଲୋକେ କହିଛନ୍ତି । ଘଟଣାକୁ ନେଇ ହସ୍ପିଟାଲରେ ଉତ୍ତେଜନା ଦେଖିବାକୁ ମିଳିଛି । କ୍ୟାପିଟାଲ ଥାନା ଆଇଆଇସି ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିଥିଲେ ।