ଭୁବନେଶ୍ୱର, କିଛିଦିନ ହେବ ଶୀତର ପ୍ରକୋପ କମ୍ ଥିବାବେଳେ, ଏବେ ପୁଣିଥରେ ରାଜ୍ୟକୁ ଫେରିଛି ଶୀତ । ରାଜ୍ୟର ୯ଟି ସହରର ପାରଦ ୧୧ଡିଗ୍ରୀ ତଳେ ରହିଛି । ସେ ମଧ୍ୟରୁ ସବୁଠାରୁ ଥଣ୍ଡା ସହର ଫୁଲବାଣୀ । ସେଠାରେ ତାପମାତ୍ରା ୫.୮ଡିଗ୍ରୀ ରହିଛି । ତାଛଡ଼ା ଝାରସୁଗୁଡ଼ା, ସୁନ୍ଦରଗଡ଼, କେନ୍ଦୁଝର, ବଲାଙ୍ଗୀର, ସୋନପୁର, ଭବାନୀପାଟଣା, ସମ୍ବଲପୁର ସହରର ତାପମାତ୍ରା ମଧ୍ୟ ୧୧ଡିଗ୍ରୀ ତଳେ ରହିଛି ।
ଏପଟେ ରାଜଧାନୀର ରାଜରାସ୍ତା ଧୂଆଁମୟ ହୋଇଯାଇଛି । କୁହୁଡ଼ୀର ଚଦର ତଳେ ଘୋଡ଼ି ହୋଇଛି ରାଜଧାନୀ । ସକାଳ ୧୦.୩୦ପର୍ଯ୍ୟନ୍ତ କୁହିଡ଼ୀର ଆସ୍ତରଣ ରାଜଧାନୀରେ ଦେଖିବାକୁ ମିଳିଥିଲା । ଭୁବନେଶ୍ୱରର ତାପମାତ୍ରା ୧୬ଡିଗ୍ରୀ ଥିବାବେଳେ, କଟକର ତାପମାତ୍ରା ୧୫ଡିଗ୍ରୀ ଥିବା ଜଣାପଡ଼ିଛି ।
