ମାଓବାଦୀଙ୍କ ଗୁଳିରେ ସବଇନସ୍ପେକ୍ଟର ଗୁରୁତର

ମାଲକାନଗିରି (ଏଏନଏସ)୧୭/୧୦, ମାଲକାନଗିରି ଜିଲ୍ଲା ସୀମାନ୍ତରେ ପୋଲିସ ଓ ମାଓବାଦୀ ମଧ୍ୟରେ ଗୁଳିବିନିମୟ ହେବା ଦ୍ୱାରା ମାଓବାଦୀଙ୍କ ଗୁଳିରେ ଜଣେ ସବ୍ଇନସପେକ୍ଟର ଗୁରୁତର ହୋଇଛନ୍ତି । ଗୁରୁତର ସବ ଇନ୍ସପେକ୍ଟରଙ୍କ ନାଁ ରାଜେଶ ସୂର୍ଯ୍ୟବଂଶୀ। ତାଙ୍କୁ ବାସାଗୁଡା ମେଡିକାଲରେ ଭର୍ତ୍ତି କରାଯାଇଛି। ପୋଲିସ ମାଓ ଦମନ ପାଇଁ କମ୍ବିଂ ଅପରେସନ ଚାଲିଥିବା ବେଳେ ହଠାତ ମାଓବାଦୀ ପୋଲିସ ଉପରକୁ ଗୁଳି ଚାଳନା କରିଥିଲେ । ତେବେ ପୋଲିସର ପାଲଟା ଜବାବ ପରେ ମାଓବାଦୀ ଛତ୍ର ଭଙ୍ଗ ଦେଇଥିଲେ। ଗୁଳିବିନିମୟ ବେଳେ ମାଓବାଦୀଙ୍କ ଗୁଳି ଜଣେ ସବ ଇନ୍ସପେକ୍ଟରଙ୍କୁ ବାଜିଥିଲା। ଯାହାଫଳରେ ସେ ଗୁରୁତର ଆହତ ହୋଇଥିଲେ। ଘଟଣାସ୍ଥଳରେ ଏବେବି ପୋଲିସ ପକ୍ଷରୁ କମ୍ବିଂ ଅପରେସନକୁ ଜୋରଦାର କରାଯାଇଛି।