ଅଭିଯୁକ୍ତକୁ ଗୋଡ଼ାଉଥିଲା ପୋଲିସ ହେଲେ ପୋଖରୀରୁ ମିଳିଲା ଶବ

ଭଦ୍ରକ, ଏକ ପୋଲିସ ଗାଡ଼ିକୁ ଜାଳି ଦେଇଛନ୍ତି ଉତ୍ତ୍ୟକ୍ତ ଜନତା । ଘଟଣାଟି ହେଉଛି ଭଦ୍ରକ ଜିଲ୍ଲା ଆଲିନଗର ଛକର । ପୋଲିସ ପାଇଁ ଯୁବକଙ୍କ ମୃତ୍ୟୁ ହୋଇଥିବା ଅଭିଯୋଗ କରି ଏଭଳି କାଣ୍ଡ ଘଟାଇଛନ୍ତି ସ୍ଥାନୀୟ ବାସିନ୍ଦା । ସୂଚନାଥାଉକି, ପୂର୍ବ ମାମଲାକୁ ଭିତ୍ତି କରି ଜଣେ ଯୁବକଙ୍କୁ ଗିରଫ କରିବାକୁ ଆସିଥିଲା ପୋଲିସ । ଯୁବକ ଜଣଙ୍କ ପୋଲିସ ଠାରୁ ବଞ୍ଚିବା ପାଇଁ ଦଉଡ଼ିବା ଆରମ୍ଭ କରିଥିଲେ । ଫଳରେ ଗାଁ ନିକଟରେ ଥିବା ଏକ ପୋଖରୀରେ ପଡ଼ି ଯାଇଥିଲେ । ପୋଲିସ ସେହି ସମୟରେ ଯୁବକଙ୍କୁ ପାଣିରୁ ଉଦ୍ଧାର କରିବା ପରିବର୍ତ୍ତେ ଛାଡ଼ି ପଳାଇଥିବା ଅଭିଯୋଗ ହୋଇଛି । ପରେ ମୃତକଙ୍କ ପରିବାର ଲୋକ ଖବରପାଇ ଅଗ୍ନିଶମ ବାହିନୀଙ୍କ ଦ୍ୱାରା ପୁଅର ଖୋଜାଖୋଜି କରିଥିଲେ । କିନ୍ତୁ ଯୁବକଙ୍କ ମୃତ ଦେହ ଉଦ୍ଧାର କରାଯାଇଥିଲା ପୋଖରୀ ଭିତରୁ । ଏହି ଘଟଣାରେ ସ୍ଥାନୀୟ ବସିନ୍ଦା କ୍ଷୋଭ ପ୍ରକାଶ କରି ପୋଲିସ ଭ୍ୟାନ ଜାଳିବା ସହ, ପୋଲିସଙ୍କୁ ମଧ୍ୟ ଆକ୍ରମଣ କରିଥିବା ସୂଚନା ମିଳିଛି ।