ରାଜ୍ୟର ଉଚ୍ଚତମ ପତାକା ସ୍ତମ୍ଭ: କଟକ ନୁହେଁ ରାଉରକେଲା

ରାଉରକେଲା, ରାଉରକେଲାରେ ଉଡିବ ରାଜ୍ୟର ଉଚ୍ଚତମ ପତାକା ସ୍ତମ୍ଭ । ରାଉରକେଲା ଇସ୍ପାତ କାରଖାନା ପକ୍ଷରୁ ପ୍ରାୟ ୨୩୦ ଫୁଟ ଉଚ୍ଚତା ବିଶିଷ୍ଟ ପତାକା ସ୍ତମ୍ଭ ସ୍ଥାପନ କରାଯାଇଛି । ସ୍ତମ୍ଭ ସ୍ଥାପନ ହୋଇସାରିଛି କିନ୍ତୁ ତା ଚାରି ପାଖର ନିର୍ମାଣ କାର୍ଯ୍ୟ ସରିନାହିଁ ତେଣୁ ଏହାର ଉଦଘାଟନ ତାରିଖ ରାଉରକେଲା ଇସ୍ପାତ କାରଖାନା ପକ୍ଷରୁ ଘୋଷଣା କରାଯାଇନାହିଁ ।
ଉଲ୍ଲେଖନୀୟ ଯେ, ବର୍ତ୍ତମାନ କଟକ ହାଇକୋର୍ଟ ପରିସରରେ ଥିବା ୨୧୫ ଫୁଟ୍ ଊଚ୍ଚତା ବିଶିଷ୍ଟ ପତାକା ସ୍ତମ୍ଭ ଓଡ଼ିଶାର ଉଚ୍ଚତମ ପତାକା ସ୍ତମ୍ଭର ମାନ୍ୟତା ପାଉଛି । ବର୍ତ୍ତମାନ ରାଉରକେଲାରେ ତିଆରି କରାଯାଉଥିବା ଏହି ପତାକାସ୍ତମ୍ଭର ଉଦଘାଟନ ସରିଲେ ଏହା ରାଜ୍ୟରେ ଉଚ୍ଚତମ ସ୍ତମ୍ଭର ମାନ୍ୟତା ପାଇବ ।