କୋଭିଡ ଗାଇଡଲାଇନ ଭିତରେ ଖୋଲିବ କାକଟପୁର ମା’ ମଙ୍ଗଳା ମନ୍ଦିର

ପୁରୀ: କରୋନା ମହାମାରୀ ତାର କାୟା ବିସ୍ତାର କରିବା ପରେ ସଂକ୍ରମଣକୁ ରୋକିବା ପାଇଁ ରାଜ୍ୟ ବା ଦେଶରେ ଲକଡାଉନ କରାଯାଇଥିଲା । ଏନେଇ ରାଜ୍ୟରେ ଏବଂ ଦେଶରେ ସମସ୍ତ ସ୍କୁଲ, କଲେଜ , ବିଭିନ୍ନ ଶିକ୍ଷାନୁଷ୍ଠାନ, ସପିଙ୍ଗ ମଲ ଏବଂ ଧର୍ମାନୁଷ୍ଠାନକୁ ବନ୍ଦ କରି ଦିଆଯାଇଥିଲା । କିନ୍ତୁ ରାଜ୍ୟରେ କରୋନା ଧିରେ ଧିରେ ସୁଧୁରିବାକୁ ଲାଗୁଛି ତେଣୁ ରାଜ୍ୟରେ ଧିରେ ଧିରେ ସମସ୍ତ ଶିକ୍ଷାନୁଷ୍ଠାନ ଏବଂ ଧର୍ମାନଷ୍ଠାନ ଖୋଲିବା ଲାଗି ନିଷ୍ପତ୍ତି ନିଆଯାଉଛି । ତେବେ ଧର୍ମାନୁଷ୍ଠାନ ଖୋଲିବା ଲିଷ୍ଟରେ ସାମିଲ ହୋଇଛି ଆଉ ଏକ ମନ୍ଦିର । ତେବେ ଆସନ୍ତା ୨୩ ତାରିଖରୁ କାକଟପୁର ମା’ ମଙ୍ଗଳା ଖୋଲିବା ପାଇଁ ଜିଲ୍ଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି । ତେବେ ମନ୍ଦିରରେ କୋଭିଡ ଗାଇଡଲାଇନକୁ କଡାକଡି ଭାବେ ପାଳନ କରାଯିବ ବୋଲି କୁହାଯାଇଛି । ଯେପରିକି, ମାସ୍କ ପିନ୍ଧିବା, ସାମାଜିକ ଦୂରତା ରକ୍ଷା କରିବା , ଏବଂ ସାନିଟାଇଜରର ବ୍ୟବହାର କରିବା ଇତ୍ୟାଦି । ବୃଦ୍ଧ,ଗର୍ଭବତୀ ମହିଳା ଏବଂ ଛୋଟ ଶିଶୁଙ୍କୁ ଗହଳିରୁ ଦୂରେଇ ରହିବାକୁ ଜିଲ୍ଲା ପ୍ରଶାସନ ପରାମର୍ଶ ଦେଇଛନ୍ତି ।