ଗ୍ୟାସ ଟ୍ୟାଙ୍କର ଉଦ୍ଧାରବେଳେ ଓଲଟିଲା ପୁଲିସ ଭ୍ୟାନ

ଗଞ୍ଜାମ, ଗଞ୍ଜାମ ଜିଲ୍ଲା ଛତ୍ରପୁର ପାମ୍ପରା ଏନ୍ଏଚ୍ ୧୬ରେ ଓଲଟିଲା ଗ୍ୟାସ୍ ଟ୍ୟାଙ୍କର । କୁହୁଡି କାରଣରୁ ରାସ୍ତା ଦେଖାଯାଉନଥିବାରୁ ଗ୍ୟାସ୍ ଟ୍ୟାଙ୍କର ଓଲଟି ପଡିଥିବା ସୂଚନା ମିଳିଛି । ୯ ଘଣ୍ଟାର କଠିନ ପରିଶ୍ରମ ପରେ ଟ୍ୟାଙ୍କରକୁ ଠିଆ କରାଗଲା । ଟ୍ୟାଙ୍କରରୁ ହେଉଥିବା ଗ୍ୟାସ୍ ଲିକକୁ ମଧ୍ୟ ବନ୍ଦ କରାଯାଇଛି । ଏନେଇ ଏନଏଚର ଦୁଇ ପାଶ୍ୱର୍ରେ ରାସ୍ତାକୁ ବନ୍ଦ କରିଥିଲା ପୋଲିସ । ଉଦ୍ଧାର କାର୍ଯ୍ୟରେ ୫ଟି କ୍ରେନ୍, ୬ ଜଣ ବିଶେଷଜ୍ଞ, ଅଗ୍ନିଶମ, ଓଡ୍ରାଫ ଓ ପୋଲିସ ଟିମ୍ ସାମିଲ ହୋଇଥିଲେ । ଉଦ୍ଧାର କାର୍ଯ୍ୟ ପାଇଁ ଯାଉଥିବା ବେଳେ ଓଲଟି ପଡିଲା ପୋଲିସ ଭ୍ୟାନ । ଦୁର୍ଘଟଣାରେ ୫ ଜଣ ପୋଲିସ କର୍ମଚାରୀ ଆହତ ହୋଇଛନ୍ତି । ଆହତଙ୍କୁ ଛତ୍ରପୁର ମେଡିକାଲରେ ଭର୍ତ୍ତି କରାଯାଇଛି ।