କାଲିଠାରୁ ରାଜ୍ୟରେ ଦ୍ୱିତୀୟ ପର୍ଯ୍ୟାୟ ଟିକାକରଣ

ଭୁବନେଶ୍ୱର, ଆସନ୍ତା କାଲିଠାରୁ ରାଜ୍ୟରେ ଦ୍ୱିତୀୟ ପର୍ଯ୍ୟାୟ ଟିକାକରଣ ଆରମ୍ଭ ହେବ । କାଲିଠୁ ଟିକା ନେବେ ଆଗଧାଡ଼ିର ପୋଲିସ କର୍ମଚାରୀ । ପ୍ରଥମେ ଡିଜିପି ଅଭୟ ନେବେ କୋରୋନା ଟିକା ଓ ପରେ ହୋମଗାର୍ଡ ଡିଜି ଓ ପୋଲିସ କମିସନର ମଧ୍ୟ କରୋନା ଟିକା ନେବେ । ପୋଲିସ ରିଜର୍ଭ ହସ୍ପିଟାଲ, ସପ୍ତମ ବାଟାଲିଅନ ହସ୍ପିଟାଲ, କମିସନରେଟ ପୋଲିସ ଅଫିସରେ ହେବ ଟିକାକରଣ ।
ଭୁବନେଶ୍ବରର ୧୯ଟି ପ୍ରତିଷ୍ଠାନର ୮୯୩୭ ପୋଲିସ କର୍ମଚାରୀ ଓ ହୋମଗାର୍ଡ କରୋନା ଟିକା ନେବେ ଏବଂ କଟକର ୧୧ଟି ପ୍ରତିଷ୍ଠାନର ୬୮୬୭ ପୋଲିସ କର୍ମଚାରୀ ନେବେ ଟିକା । କଟକ ନେତାଜୀ ଷ୍ଟାଡିୟମରେ ହୋଇଛି ଟିକାକରଣ କେନ୍ଦ୍ର । ଏନେଇ ସୂଚନା ଦେଇଛନ୍ତି ପୋଲିସ କମିସନର ସୁଧାଂଶୁ ଷଡ଼ଙ୍ଗୀ ।