ମହିଳାଙ୍କୁ 3 କି.ମି. ଚଲାଇବା ଘଟଣା, ଥାନା ଅଧିକାରୀ ନିଲମ୍ବିତ
ମୟୁରଭଞ୍ଜ, ହେଲମେଟ୍ ଚେକିଂ ବେଳେ ଗର୍ଭବତୀଙ୍କୁ 3 କିମି ଚଲାଇବା ଘଟଣାରେ ମୟୂରଭଞ୍ଜ ଶରତ ଥାନା ଅଧିକାରୀ ରୀନା ବକ୍ସଲାଙ୍କୁ ନିଲମ୍ବିତ କରାଯାଇଛି । ନିଜର ମାନବିକତା ଭୁଲି ଜଣେ ଗର୍ଭବତୀ ମହିଳାଙ୍କୁ 3 କିମି ଚଲାଇଥିବାରୁ ତାଙ୍କୁ ନିଲମ୍ବନ କରିଛନ୍ତି ମୟୂରଭଞ୍ଜ SP ।
ସୂଚନା ଅନୁସାରେ, ଗତକାଲି ମହିଳା ଜଣକ ବିନା ହେଲମେଟରେ ନିଜ ସ୍ବାମୀଙ୍କ ସହ ଚେକ୍ଅପ ପାଇଁ ଡାକ୍ତରଖାନା ଯାଉଥିଲେ । ପରେ ପୋଲିସ ଚାଲାଣ କାଟିବାରୁ ଅନଲାଇନରେ ଟଙ୍କା ଦେବାକୁ କହିଥିଲେ ବ୍ୟକ୍ତି ଜଣକ । ଏହି ଘଟଣାକୁ ନେଇ ଶରତ ଥାନା ଅଧିକାରିଣୀ ରୀନା ବକ୍ସଲାଙ୍କ ସହିତ ବିକ୍ରମଙ୍କର କଥା କଟାକଟି ହୋଇଥିଲା। ପରେ ପୋଲିସ ବିକ୍ରମଙ୍କ ଗାଡିକୁ ନିଜ ହେପାଜତକୁ ନେବା ସହିତ ବିକ୍ରମଙ୍କୁ ପୁଲିସ୍ ଗାଡିରେ ବସାଇ ଥାନାକୁ ନେଇଯାଇଥିଲା । କିନ୍ତୁ ତାଙ୍କ ସ୍ତ୍ରୀଙ୍କୁ ରାସ୍ତାରେ ଛାଡି ଯାଇଥିଲେ । ପରେ ମହିଳା ଜଣକ 3 କିମି ଚାଲି ଚାଲି ଥାନାରେ ପହଞ୍ଚିଥିଲେ । ଏ ବାବଦରେ ବିକ୍ରମ ଉପଖଣ୍ଡ ପୋଲିସ୍ ଅଧିକାରୀଙ୍କ ନିକଟରେ ଅଭିଯୋଗ କରିଥିଲେ।