ମେଘାଳୟ, ନାଗାଲାଣ୍ଡରେ ମତଦାନ

ନୂଆଦିଲ୍ଲୀ(୨୭.୨.୨୩) : ଦୁଇ ରାଜ୍ୟ ମେଘାଳୟ ଏବଂ ନାଗାଲାଣ୍ଡରେ ବିଧାନସଭା ନିର୍ବାଚନ ପାଇଁ ମତଦାନ ଆରମ୍ଭ ହୋଇଛି । ଉଭୟ ରାଜ୍ୟକୁ ମିଶାଇ ମୋଟ ୧୧୮ ବିଧାନସଭା ନିର୍ବାଚନମଣ୍ଡଳୀ ପାଇଁ ଭୋଟ୍ ଗ୍ରହଣ ଚାଲିଛି । ମେଘାଳୟର ୫୯ ଟି ସିଟ୍ ଏବଂ ନାଗାଲାଣ୍ଡରେ ସମାନ ସଂଖ୍ୟକ ସିଟ୍ ପାଇଁ ସକାଳୁ ସକାଳୁ ମତଦାନ କରୁଛନ୍ତି ଲୋକେ । ଧାଡିରେ ଆସି ପରିଚୟ ପତ୍ର ଦେଖାଇ ନେତା ବାଛୁଛନ୍ତି ଦୁଇ ରାଜ୍ୟର ଲୋକେ । ଉଭୟ ରାଜ୍ୟକୁ ମିଶାଇ ୫୫୦ ରୁ ଅଧିକ ପ୍ରାର୍ଥୀ ବିବାଦରେ ଅଛନ୍ତି । ମାର୍ଚ୍ଚ ୨ରେ ମେଘାଳୟ, ନାଗାଲାଣ୍ଡ ଏବଂ ଅନ୍ୟ ଏକ ରାଜ୍ୟ ତ୍ରିପୁରା ପାଇଁ ଭୋଟ୍ ଗଣତି ହେିବ । ମେଘାଳୟରେ ସମସ୍ତ ଦଳ ଏକାକୀ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଛନ୍ତି । ୨୦୧୮ ତୁଳନାରେ, ଏଥର ବିଜେପି ଏବଂ ନ୍ୟାସନାଲ ପିପୁଲ୍ସ ପାର୍ଟି (ଏନପିପି) କୌଣସି ପ୍ରି-ପୋଲ୍ ମେଂଟ କରିନାହାଁନ୍ତି । ପୂର୍ବତନ ମେଘାଳୟର ମନ୍ତ୍ରୀ ତଥା ୟୁନାଇଟେଡ୍ ଡେମୋକ୍ରାଟିକ୍ ପାର୍ଟି ପ୍ରାର୍ଥୀ ଲିଙ୍ଗଡୋହଙ୍କ ମୃତ୍ୟୁ ହେତୁ ସୋହିଅନଗ ଆସନରେ ମତଦାନ ସ୍ଥଗିତ ରଖାଯାଇଛି । ସେଥିପାଇଁ ୬୦ ଟି ସିଟ୍ ମଧ୍ୟରୁ ୫୯ ଟିରେ ଭୋଟ୍ ଗ୍ରହଣ ହେଉଛି ।