ଭାରତ ଯୋଡୋ ଯାତ୍ରାରେ ସାମିଲ ହେବେ ସୋନିଆ

ନୂଆଦିଲ୍ଲୀ (୬.୧୦.୨୨) : ଆଜି ଭାରତ ଯୋଡ ଯାତ୍ରାରେ ସାମିଲ ହେବେ କଂଗ୍ରେସ ଅଧକ୍ଷା ସୋନିଆ ଗାନ୍ଧି । କର୍ଣ୍ଣାଟକର ମାଣ୍ଡ୍ୟ ଜିଲ୍ଲାରେ ପହଞ୍ଚିବା ରାହୁଲଙ୍କ ନେତୃତାଧୀନ ଭାରତ ଯୋଡୋ ଯାତ୍ରାରେ ସୋନିଆ ଯୋଗ ଦେବେ । ସୋନିଆ ଏକେ ଜାକନାହଲ୍ଲୀରେ ପହଞ୍ଚିସାରିଛନ୍ତି । ଆଜି ସକାଳେ ପାଣ୍ଡବପୁରରେ ଆରମ୍ଭ ହୋଇଥିବା ଏହି ପଦଯାତ୍ରାରେ ସୋନିଆ ସାମିଲ ହେବେ । ପଦଯାତ୍ରା ପରେ ବହ୍ମଦେବରାହଲ୍ଲୀ ଗ୍ରାମରେ ଏକ ସଭା ଅନୁଷ୍ଠିତ ହେବ । ଭାରତ ଯୋଡୋ ଯାତ୍ରା ଗତ ସେପ୍ଟେମ୍ବର ୭ରେ କନ୍ୟାକୁମାରୀରୁ ଆରମ୍ଭ ହୋଇ ଶୁକ୍ରବାର କର୍ଣ୍ଣାଟକରେ ପ୍ରବେଶ କରିଛି । କର୍ଣ୍ଣାଟକରେ ଏହି ପଦ ଯାତ୍ରା ୨୧ ଦିନ ଚାଲିବ । ଏବଂ ୫୧୧ କିଲୋମିଟର ଅତିକ୍ରମ କରିବ । ବିଜେପି ଶାସିତ କର୍ଣ୍ଣାଟକରେ ଆସନ୍ତା ବର୍ଷ ନିର୍ବାଚନ ଥିବାରୁ ଯାତ୍ରାକୁ ଅଧିକ ପ୍ରଭାବୀ କରିବା ପାଇଁ କଂଗ୍ରେସ ସବୁ ପ୍ରୟାସ ଜାରି ରଖିଛି।