ପୋଲୋସାକ୍ ହେଲେ ପ୍ରଥମ ମହିଳା ଟେଷ୍ଟ ଅମ୍ପାୟାର
ସିଡନୀ, ଗୁରୁବାର ଭାରତ ଓ ଅଷ୍ଟ୍ରେଲିଆ ମଧ୍ୟରେ ସିଡନୀ ଟେଷ୍ଟ ମ୍ୟାଚରେ ଏକ ବଡ ପରିବର୍ତ୍ତନ ଦେଖିବାକୁ ମିଳିଛି । ୧୪୪ ବର୍ଷର ଟେଷ୍ଟ ଇତିହାସରେ ପ୍ରଥମ ଥର ପାଇଁ ଜଣେ ମହିଳା ଟେଷ୍ଟ ମ୍ୟାଚରେ ଅମ୍ପାୟାରିଂ କରିଛନ୍ତି । ଅମ୍ପାୟାର ଜଣକ ହେଉଛନ୍ତି ୩୨ ବର୍ଷୀୟ କ୍ଲେର ପୋଲୋସାକ୍ । ସେ ଭାରତ ଓ ଅଷ୍ଟ୍ରେଲିଆ ଟେଷ୍ଟ ମ୍ୟାଚରେ ଚତୁର୍ଥ ଅମ୍ପାୟାରର ଭୂମିକା ବହନ କରିଛନ୍ତି। ଏହା ପୂର୍ବରୁ ଏହା ପୂର୍ବରୁ ପୋଲୋସାକ୍ ପୁରୁଷ ଦିନିକିଆ ଅନ୍ତର୍ଜାତୀୟ ମ୍ୟାଚରେ ଅମ୍ପାୟାରିଂ କରି ଇତିହାସ ରଚିସାରିଛନ୍ତି । ଏନେଇ ତାଙ୍କୁ ଶୁଭେଚ୍ଛା ଜଣାଇଛି କ୍ରିକେଟ ଅଷ୍ଟ୍ରେଲିଆ ।