ଅହମଦାବାଦ, ଭାରତ-ଇଂଲଣ୍ଡ ମଧ୍ୟରେ ଚାଲିଥିବା ଟେଷ୍ଟ ମ୍ୟାଚକୁ ଭାରତ ଜିତିସାରିବା ପରେ ଏବେ ଭାରତ-ଇଂଲଣ୍ଡ ମଧ୍ୟରେ ଟି-ଟ୍ୱେଣ୍ଟି ମ୍ୟାଚର ଏକ ସିରିଜ ଖେଳାଯିବ । ତେବେ ଏହି ଟି-ଟ୍ୱେଣ୍ଟି ମ୍ୟାଚକୁ ଜିତିବା ଲକ୍ଷ୍ୟରେ ଆଜି ମଇଦାନକୁ ଓହ୍ଲାଇବ ଭାରତୀୟ ଟିମ । ଏହି ଟି-ଟ୍ୱେଣ୍ଟି ସିରିଜ ୫ ଟି ମ୍ୟାଚ ବିଶିଷ୍ଟ ହେବ । ଆଜି ରାତି ୭ ଟାରୁ ଏହି ଟି-ଟ୍ୱେଣ୍ଟି ମ୍ୟାଚ ଆରମ୍ଭ ହେବ । ଟି-ଟ୍ୱେଣ୍ଟି ସିରିଜର ସବୁ ମ୍ୟାଚ ଅହମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଖେଳାଯିବ। ତେବେ ଏହି ଟି-ଟେଣ୍ଟି ସିରିଜରେ ଭାରତୀୟ ଟିମର ନେତୃତ୍ୱ ନେବେ ବିରାଟ କୋହଲି ଏବଂ ଇଂଲଣ୍ଡ ଟିମର ନେତୃତ୍ୱ ନେବେ ଇଅନ ମୋର୍ଗାନ । ଟି-ଟ୍ୱେଣ୍ଟିର ପଏଣ୍ଟ ଟେବୁଲରେ ଇଂଲଣ୍ଡ ପ୍ରଥମ ସ୍ଥାନରେ ରହିଥିବାବେଳେ ଭାରତୀୟ ଟିମ ଦ୍ୱିତୀୟ ସ୍ଥାନରେ ରହିଛି । ତେବେ ଦୁଇଟି ସୁଦୃଢ଼ ଟିମ ମଇଦାନକୁ ଓହ୍ଲାଇବେ ଏହା ମ୍ୟାଚକୁ ରୋମାଞ୍ଚକର କରିବ ।