ଅଭ୍ୟାସ ପାଇଁ ପଡିଆକୁ ଓହ୍ଲାଇଲେ ଭାରତୀୟ ଖେଳାଳି

ଚେନ୍ନାଇ, ଭାରତ ଏବଂ ଇଂଲଣ୍ଡ ମଧ୍ୟରେ ଟେଷ୍ଟ ସିରିଜ ଫେବୃଆରୀ ୫ରୁ ଆରମ୍ଭ ହେବାକୁ ଯାଉଛି । ସିରିଜର ପ୍ରଥମ ଦୁଇଟି ମ୍ୟାଚ ଚେନ୍ନାଇର ଚେପକ ଷ୍ଟାଡିୟମରେ ଖେଳାଯିବ ଏବଂ ଅନ୍ୟ ଦୁଇଟି ମ୍ୟାଚ ସର୍ଦ୍ଦାର ବଲ୍ଲଭ ଭାଇ ପଟେଲ ଷ୍ଟାଡିୟମରେ ଖେଳାଯିବ । ସିରିଜ ପୂର୍ବରୁ ଖେଳାଳିଙ୍କର ତିନି ଥର ଲେଖାଏଁ କରୋନା ଟେଷ୍ଟ କରାଯାଇଥିଲା । କ୍ୱାରେଣ୍ଟାଇନ ପରେ ଖେଳାଳୀମାନେ ଅଭ୍ୟାସ ପାଇଁ ପଡିଆକୁ ଓହ୍ଲାଇଛନ୍ତି ।
ସୂଚନା ଅନୁସାରେ, ଭାରତ ଏବଂ ଇଂଲଣ୍ଡ ଟେଷ୍ଟ ସିରିଜର ଦ୍ୱିତୀୟ ମ୍ୟାଚ ଫେବୃଆରୀ ୧୩ ତାରିଖରୁ ଆରମ୍ଭ ହେବ । ତେବେ ସିରିଜର ପ୍ରଥମ ମ୍ୟାଚ ବିନା ଦର୍ଶକରେ ଖେଳାଯିବ ଏବଂ ଦ୍ୱିତୀୟ ମ୍ୟାଚରେ ୫୦ ପ୍ରତିଶତ ଲୋକଙ୍କୁ ଦେଖିବାକୁ ଅନୁମତି ମିଳିଛି ।