ଶରୀରକୁ ସୁସ୍ଥ ରଖିବାକୁ ହେଲେ ପାଣି ନିତ୍ୟାନ୍ତ ଆବଶ୍ୟକ। ପାଣି ପିଇବା ଦ୍ୱାରା ଆମ ଶରୀର ସୁସ୍ଥ ଓ ଫିଟ୍ ରହିଥାଏ। ପାଣି ଆମ ଶରୀରର ତାପମାତ୍ରାକୁ ମଧ୍ୟ ନିୟନ୍ତ୍ରଣ କରିଥାଏ। ସକାଳେ ଉଠିବା ପରେ ଶରୀରକୁ ପାଣିର ଅତ୍ୟନ୍ତ ଆବଶ୍ୟକତା ରହିଥାଏ। ତେଣୁ ସକାଳୁ ଉଠି ୨ ରୁ ୩ ଗ୍ଲାସ୍ ପାଣି ପିଇବା ଉଚିତ। ଅନେକଙ୍କ ସକାଳୁ ଖାଲି ପେଟରେ ପାଣି ପିଇବାର ଅଭ୍ୟାସ ମଧ୍ୟ ରହିଛି।
ତେବେ ଆସନ୍ତୁ ଜାଣିବା ସକାଳୁ ଖାଲି ପେଟରେ ପାଣି ପିଇବା ଦ୍ୱାରା କ’ଣ ସବୁ ଫାଇଦା ମିଳିଥାଏ। ସକାଳେ ଖାଲି ପେଟରେ ପାଣି ପିଇଲେ ଶରୀରରେ ମେଟାବୋଲିଜିମ୍ ସକ୍ରିୟ ହୋଇଥାଏ। ଯାହାଦ୍ୱାରା ଓଜନ ହ୍ରାସ ହୋଇଥାଏ। ସକାଳୁ ଉଠି ଖାଲି ପେଟରେ ପାଣି ପିଇବା ଦ୍ୱାରା ଶରୀରରେ ଥିବା ବିଷାକ୍ତ ପଦାର୍ଥ ବାହାରିବା ଦ୍ୱାରା ରକ୍ତ ସଫା ହୋଇଥାଏ। ତେଣୁ ଚେହେରାରେ ଚମକ ଆସିଥାଏ।
ସକାଳୁ ଖାଲିପେଟରେ ପାଣି ପିଇବା ଦ୍ୱାରା ହୃତପିଣ୍ଡ ଜନିତ ରୋଗ, ମୋଟାପଣ, କିଡ଼ନୀ ଓ ୟୁରିନ୍ ଜନିତ ରୋଗ, ଗ୍ୟାସ୍, ଅର୍ଶ, କୋଷ୍ଠ କାଠିନ୍ୟ ଓ ଗଳାର ବିଭିନ୍ନ ରୋଗଠାରୁ ଉପଶମ ମିଳିଥାଏ।
