କଟକଣା ଭିତରେ ରାଜଧାନୀ ପାଳିବ ମା ଦୂର୍ଗାଙ୍କ ପୂଜା

ଭୁବନେଶ୍ୱର, ରାଜଧାନୀରେ କଟକଣା ଭିତରେ ପାଳିତ ହେବ ଦୁର୍ଗାପୂଜା। କୌଣସି ପ୍ରକାର ତୋରଣ, ସାଜସଜ୍ଜା, ଭସାଣୀ, ସାଂସ୍କୃତିକ କାର୍ଯ୍ୟକ୍ରମ ହେବ ନାହିଁ । ଏ ନେଇ ପୋଲିସ କମିଶନର ସୁଧାଂଶୁ ଷଡ଼ଙ୍ଗୀ ସୂଚନା ଦେଇଛନ୍ତି । ମଣ୍ଡପରେ ୧୦ରୁ ଅଧିକ ପୂଜା କମିଟି ସଦସ୍ୟ ସାମିଲ ହୋଇପାରିବେ ନାହିଁ । ଏହାସହ ପୂଜା ପାଇଁ ମଣ୍ଡପକୁ ଭକ୍ତ ଆସିପାରିବେ ନାହିଁ । ମହାମାରୀ କରୋନା ଯୋଗୁଁ ଏହିପରି ନିଷ୍ପତ୍ତି ନିଆଯାଇଛି । ପୂଜା କମିଟି ସଦସ୍ୟ ଓ କମିଶନରେଟ ପୋଲିସ ଭିତରେ ପୂଜା ନେଇ ଏକ ବୈଠକ ବସିବା ପରେ ଏହିପରି ନିଷ୍ପତ୍ତି ନିଆଯାଇଛି । ଟ୍ରାକ୍ଟର, ଟ୍ରକରେ ଭସାଣି କରିବା ପରିବର୍ତ୍ତେ ଟ୍ରଲି ଓ ଅଟୋରେ ଭସାଣି କରିବାକୁ କୁହାଯାଇଛି । ମୂର୍ତ୍ତିର ଆକାର ୪ଫୁଟ ରଖିବାକୁ ପରାମର୍ଶ ଦିଆ ଯାଇଛି ।