ନୂଆଦିଲ୍ଲୀ (୧୦.୧୦.୨୨) : ଆଜି କାଲି ଆଧାର କାର୍ଡ ବିନା କୌଣସି କାମ ସମ୍ଭବ ନୁହେଁ । ଏହା ଆମ ପରିଚୟର ସବୁଠାରୁ ବଡ ଡକ୍ୟୁମେଣ୍ଟ । ତେଣୁ ଆଧାରକାର୍ଡରେ ଥିବା ଆପଣଙ୍କର ସବୁ ପରିଚୟ ଠିକ୍ ରହିବା ଆବଶ୍ୟକ । ଯଦି ଆପଣ ଆଧାରରେ କିଛି ପରିବର୍ତ୍ତନ କରିବାକୁ ଚାହୁଁଛନ୍ତି ତେବେ ଆପଣ ଏହାକୁ ଅତି ସହଜରେ କରି ପାରିବେ । ଆପଣ ଅନଲାଇନରେ ନାମ ଠିକଣା ଅପଡେଟ କରିପାରିବେ । କିନ୍ତୁ ଏଥିପାଇଁ କିଛି ସମୟସୀମା କରାଯାଇଛି । ଦେଶର କୌଣସି ବି ନାଗରିକଙ୍କୁ ତାଙ୍କ ପୁରା ଜୀବନ ମଧ୍ୟରେ କେବଳ ଗୋଟିଏ ଥର ହିଁ ଆଧାର ନମ୍ବର ଦିଆଯାଇଥାଏ । ଏହାକୁ ଭାରତୀୟ ବିଶିଷ୍ଟ ପରିଚୟ ପ୍ରାଧିକରଣ (UIDAI) ଜାରି କରିଥାଏ । ଆଧାରକାର୍ଡରେ ୧୨ ଅଂକ ବିଶିଷ୍ଠ ଏକ ସଂଖ୍ୟା ଥାଏ ଯେଉଁଥିରେ ନାଗରିକର ସମସ୍ତ ତଥ୍ୟ ରହିଥାଏ । ଆଧାର ତିଆରି ବେଳେ ଯଦି କିଛି ତଥ୍ୟ ଭୁଲ ହୋଇଯାଏ,ଏହାକୁ ପରେ ସଂଶୋଧନ କରାଯାଇପାରେ । UIDAI ର କୌଣସି ଆଧାରକାର୍ଡ ଧାରୀଙ୍କ ଠିକଣା ବଦଳାଇବା ପାଇଁ ଏକ ସମୟସୀମା ସ୍ଥିର କରାଯାଇଛି । ଆଧାରକାର୍ଡ ଧାରୀ ଜୀବନକାଳ ମଧ୍ୟରେ କେବଳ ଦୁଇଥର ନିଜର ନାମ ବଦଳାଇ ପାରିବେ । ଏହାସହ ଆଧାର କାର୍ଡରେ କେବଳ ଥରେ ନିଜର ଜନ୍ମ ତାରିଖ ବଦଳାଇ ପାରିବେ । ଆଧାର ଡାଟାରେ ଆପଣ ବାରମ୍ବାର ଆପଣଙ୍କ ନାମ ବଦଳାଇ ପାରିବେ ନାହିଁ । ସେହିପରି ପୁରା ଜୀବନକାଳରେ ଆପଣ ଆଧାର କାର୍ଡରେ କେବଳ ଗୋଟିଏ ଥର ଲିଙ୍ଗ ପରିବର୍ତ୍ତନ କରିପାରିବେ ।