ଯଦି ଆପଣ ସୋସିଆଲ ମିଡିଆରେ ଭାଇରାଲ୍ ହୋଇଥିବା ଜିନିଷ ପ୍ରତି ନଜର ଦିଅନ୍ତି, ତେବେ ଆପଣ ସରିୟଲ ‘ଇସ୍କ ମେ ମରଜାୱା ୨’ର ସୁଟକେସ୍ ସିନ୍ ନିଶ୍ଚୟ ଭାବେ ଦେଖିଥିବେ । ଏଥିରେ ଅଭିନେତ୍ରୀ ହେଲି ଶାହା ତାଙ୍କ କୋଠରୀରୁ ବାହାରି ସୁଟକେଶ୍କୁ ଝୁଣ୍ଟି କାନ୍ଥ ସହ ଧକ୍କା ହୋଇ ସୁଟକେସ୍ ଭିତରେ ଚେତାଶୂନ୍ୟ ଭାବେ ପଡିଯାଇଥିଲେ । ପରେ ସୁଟ୍କେଶ୍ କୁ ଏକ ବ୍ୟକ୍ତି ଉଠାଇ ପାଣିରେ ଫିଙ୍ଗି ଦେଇଥିଲେ । ଏହି ଦୃଶ୍ୟ ଦର୍ଶକ ଦେଖିବା ପରେ ଏହା ବିଷୟରେ ବହୁ ଚର୍ଚ୍ଚା କରିଥିଲେ ।
ପରେ ହେଲି ଶାହା କହିଛନ୍ତି ଯେ, ତାଙ୍କ କାମ ହେଉଛି ନିଜର ଅଭିନୟକୁ ଭଲ ଭାବରେ କରିବା । ଆଉ ମଧ୍ୟ କହିଛନ୍ତି ଯେ ସୋସିଆଲ ମିଡିଆରେ ଲୋକ ଏହାର ବହୁତ ମଜା ଉଡାଉଛନ୍ତି କିନ୍ତୁ ଏହାକୁ ସେ ପଜିଟିଭ୍ ଭାବେ ନେଉଛନ୍ତି ।
ଏହି ସିନ୍ଗୁଡିକ ଶୋ କୁ ମଜାଦାର ଏବଂ ଆଗ୍ରହକର କରିବା ପାଇଁ ରଖାଯାଇଛି ।
ଯେତେବେଳେ ତାଙ୍କୁ ପଚାରାଗଲା ଯେ ସେ ସୁଟକେଶ ଭିତରେ କିପରି ଫିଟ୍ ଆସିଲେ ବୋଲି । ଏହା ଉପରେ ସେ କହିିଲେ ଯେ ସମସ୍ତେ ତାଙ୍କୁ ଏହି ପ୍ରଶ୍ନ ହିଁ ପଚାରୁଛନ୍ତି ଏବଂ ସେ ଭାରି ଲେହେଙ୍ଗା ପିନ୍ଧି ମଧ୍ୟ ସେଥିରେ ଫିଟ୍ ଆସିଗଲେ ବୋଲି କହିଛନ୍ତି । ତାଙ୍କୁ ସେହି ସିନ୍ ପାଇଁ ସୁଟକେଶ୍ ଭିତରେ ୪୫ ମିନିଟ୍ ରହିବାକୁ ପଡିଥିଲା ବୋଲି ମଧ୍ୟ କହିଛନ୍ତି ।
