ନୂଆଦିଲ୍ଲୀ, ଭାରତ ଏବଂ ମାଲଦ୍ୱୀପ ମଧ୍ୟରେ ବନ୍ଧୁତା ଗୋଟିଏ ପାଦ ନିକଟତର। କରୋନା ସଙ୍କଟର ସମ୍ମୁଖୀନ ହେଉଥିବା ମାଲଦ୍ୱୀପକୁ ସାହାଯ୍ୟ ହାତ ବଢାଇଲା ଭାରତ । ସେମାନଙ୍କୁ ୨୫୦ ମିଲିୟନ ଆମେରିକୀୟ ଡଲାରରେ ସାହାଯ୍ୟ କରିଛି। ପଡୋଶୀ ଦେଶ ମାଲଦ୍ୱୀପକୁ ଭାରତର ଆର୍ଥିକ ସହାୟତା ଏପରି ଏକ ସମୟରେ କରିଛି ଯେତେବେଳେ ଏହା ଚୀନର ଜାଲରେ ଫସି ରହିଥିଲା ଏବଂ କରୋନା ସଙ୍କଟର ଅର୍ଥନୀତି ରେ କ୍ଷତି ସହିଥିଲା। ଏହି ସହାୟତା ପାଇଁ ମାଲଦ୍ୱୀପ ରାଷ୍ଟ୍ରପତି ଇବ୍ରାହିମ ସାଲିହ ପ୍ରଧାନମନ୍ତ୍ରୀ ମୋଦୀଙ୍କୁ ଧନ୍ୟବାଦ ଜଣାଇଛନ୍ତି।
ପ୍ରଧାନମନ୍ତ୍ରୀ ମୋଦୀ ସୂଚନା ଦେଇଛନ୍ତି ଯେ, ଘନିଷ୍ଠ ବନ୍ଧୁ ତଥା ପଡ଼ୋଶୀ ଭାରତ ଏବଂ ମାଲଦ୍ୱୀପ କୋଭିଡ -୧୯ ର ଆର୍ଥିକ ପ୍ରଭାବ ଏବଂ ସ୍ୱାସ୍ଥ୍ୟ ସଙ୍କଟ ବିରୋଧରେ ପରସ୍ପର ସହ ସହଯୋଗ ଜାରି ରଖିବେ। ପ୍ରଧାନମନ୍ତ୍ରୀ ମୋଦୀଙ୍କ ବାର୍ତ୍ତା ପୂର୍ବରୁ ମାଲଦ୍ୱୀପ ରାଷ୍ଟ୍ରପତି ଭାରତ ସରକାରଙ୍କୁ କୃତଜ୍ଞତା ଜଣାଇ କହିଛନ୍ତି ଯେ ଯେତେବେଳେ ବି ବନ୍ଧୁ ଦରକାର ସେତେବେଳେ ନୂଆଦିଲ୍ଲୀ ମାଲଦ୍ୱୀପକୁ ସାହାଯ୍ୟ କରିବାକୁ ଆଗେଇ ଆସୁଛି। ସେ କହିଛନ୍ତି ମୁଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଭାରତବାସୀଙ୍କୁ ୨୫୦ ମିଲିୟନ ଡଲାର ଆର୍ଥିକ ସହାୟତା ପ୍ରଦାନ କରିଥିବାରୁ କୃତଜ୍ଞତା ଜଣାଉଛି।
କରୋନା ସଙ୍କଟର ମୁକାବିଲା ପାଇଁ ଭାରତ ୧୦ ବର୍ଷ ପାଇଁ ମାଲଦ୍ୱୀପକୁ ଏହି ରୁଣ ଦେଇଛି। ବାସ୍ତବରେ ମାଲଦ୍ୱୀପର ରାଷ୍ଟ୍ରପତି ଭାରତକୁ ରୁଣ ଦେବାକୁ ଅନୁରୋଧ କରିବା ପରେ ଭାରତ ସରକାର ଏହି ନିଷ୍ପତ୍ତି ନେଇଥିଲେ। ଏହି ଆର୍ଥିକ ସହାୟତା ପାଇଁ ମାଲଦ୍ୱୀପ ର ବୈଦେଶିକ ମନ୍ତ୍ରୀ ଅବଦୁଲ୍ଲା ସହିଦ ଭାରତକୁ ଧନ୍ୟବାଦ ଦେଇଛନ୍ତି। ସଙ୍କଟ ସମୟରେ ସାହାର୍ଯ୍ୟ ପାଇଁ ସେ ଭାରତକୁ ‘ମହାନ ବନ୍ଧୁ’ ବୋଲି କହିଛନ୍ତି ।
ମାଲଦ୍ୱୀପର ସମଗ୍ର ଅର୍ଥନୀତି ପର୍ଯ୍ୟଟନ ଉପରେ ଆଧାରିତ ।
କିନ୍ତୁ କରୋନା ସଙ୍କଟ ଯୋଗୁଁ ଏହାର ଅର୍ଥନୀତି ଉପରେ ଏହାର ବହୁତ ଖରାପ ପ୍ରଭାବ ପଡିଛି। ଲୋକମାନେ ଏହି ଦେଶକୁ ଯାତ୍ରା କରିବା ବନ୍ଦ କରିଦେଇଛନ୍ତି। ମାଲଦ୍ୱୀପ ଅର୍ଥନୀତି ପରିଶୋଧରେ ଅଛି। ପୂର୍ବତନ ରାଷ୍ଟ୍ରପତି ଅବଦୁଲ୍ଲା ୟାମିନ୍ ଚୀନ୍ ଠାରୁ ବିପୁଳ ପରିମାଣର ରୁଣ ନେଇଥିଲେ। ବର୍ତ୍ତମାନ ଏହି ରୁଣ ମାଲଦ୍ୱୀପ ପାଇଁ ଏକ ସଂକଟ ରେ ପରିଣତ ହୋଇଛି।
