ରାୟପୁର-୧୧.୦୫.୨୦୨୧, ଦେଶରେ କରୋନା ମହାମାରୀ କାୟା ବିସ୍ତାର କରିବାରେ ଲାଗିଛି । କରୋନା ମହାମାରୀ ଏପର୍ଯ୍ୟନ୍ତ ଅନେକ ଲୋକଙ୍କର ଜୀବନ ନେଇସାରିଲାଣି। ତେବେ କରୋନା ମହାମାରୀ କବଳରୁ ମାଓବାଦୀମାନେ ମଧ୍ୟ ବର୍ତ୍ତି ପାରିନାହାନ୍ତି । ଛତିଶଗଡର ଘଞ୍ଚ ଜଙ୍ଗଲ ମଧ୍ୟରେ ରହୁଥିବା ମାଓବାଦୀଙ୍କ ମଧ୍ୟରୁ ୧୦ ମାଓବାଦୀ କରୋନାରେ ମୃତ୍ୟୁବରଣ କରିଥିବା ସୂଚନା ରହିଛି । ସେମାନଙ୍କ ମୃତ୍ୟୁ ଫୁଡ ପଏଜନିଂ ବା କରୋନାରେ ହୋଇଥିବା ଏସପି କହିଛନ୍ତି । ସୁରକ୍ଷା ବାହିନୀ ଦ୍ୱାରା ସେମାନଙ୍କ ଯୋଗାଣ ଶୃଙ୍ଖଳା ବନ୍ଦ କରିଦିଆଯିବାରୁ ସେମାନଙ୍କୁ ଅସ୍ୱାସ୍ଥ୍ୟକର ତଥା ଅପରିଷ୍କାର ଅବଶିଷ୍ଟ ଖାଦ୍ୟ ଖାଇବାକୁ ବାଧ୍ୟ କରିଛି ଯେଉଁ କାରଣରୁ ସେମାନେ ଫୁଡ୍ ପଏଜନର ଶିକାର ହୋଇଥିବା ଜଣାପଡିଛି ।