ବିବାହ ଭୋଜି ପ୍ରସ୍ତୁତି ବେଳେ ଫାଟିଲା ଗ୍ୟାସ ସିଲିଣ୍ଡର, ୨୦ ଗୁରୁତର

ମୁମ୍ବାଇ, ଲାଲ ବାଗ ଅଞ୍ଚଳରେ ବିବାହ କାର୍ଯ୍ୟକ୍ରମ ପାଇଁ ପ୍ରସ୍ତୁତି ଚାଲିଥିବା ବେଳେ ଗ୍ୟାସ ସିଲିଣ୍ଡର ବିସ୍ଫୋରଣ ହୋଇ ଏଥିରେ 20ଜଣ ଲୋକ ଆହତ ହୋଇଛନ୍ତି। ସେମାନଙ୍କ ମଧ୍ୟରୁ କିଛି ଲୋକଙ୍କ ଅବସ୍ଥା ସଙ୍କଟାପର୍ଣ୍ଣ ଥିବା ସୂଚନା ମିଳିଛି । ପୋଲିସର ସୂଚନା ଅନୁଯାୟୀ, ଗଣେଶ ଗଳି ସ୍ଥିତ ସାରଙ୍ଗ ବିଲଡିଂରେ ଆଜି ଏହି ବିସ୍ଫୋରଣ ହୋଇଥିଲା । ବିବାହ କାର୍ଯ୍ୟକ୍ରମରେ ଖାଦ୍ୟ ପ୍ରସ୍ତୁତି ସମୟରେ ଗ୍ୟାସ ସିଲିଣ୍ଡରରୁ ଗ୍ୟାସ ଲିକ ହୋଇ ଏଭଳି ଘଟଣା ଘଟିଛି । ସେଠାରେ ଉପସ୍ଥିତ ଲୋକେ ଗ୍ୟାସ ଲିକ ବିଷୟରେ କ୍ୟାଟରର୍ସଙ୍କୁ ଜଣାଇଥିଲେ କିନ୍ତୁ ସେମାନେ ଏଥିପ୍ରତି ଧ୍ୟାନ ଦେଇନଥିଲେ ।