ଭୂସ୍ଖଳନରେ ୨୨ ଜଣଙ୍କର ମୃତ୍ୟୁ

ନୂଆଦିଲ୍ଲୀ(୧୦.୧୦.୨୨) : ପ୍ରବଳ ବର୍ଷା ପରେ ଭୂସ୍ଖଳନ । ନଦୀ କୂଳ ଲଙ୍ଘିବାରୁ କେନ୍ଦ୍ରୀୟ ଭେନଜୁଏଲାରେ ବ୍ୟାପକ ଭୂସ୍ଖଳନ ହୋଇଛି । ଏଥିରେ ୨୨ ଜଣଙ୍କର ମତ୍ୟୁ ହୋଇଥିବା ବେଳେ ୫୦ରୁ ଅଧିକ ନିଖୋଜ ଅଛନ୍ତି । ଦକ୍ଷିଣ ଆମେରିକାରେ ପ୍ରବଳ ବର୍ଷା ଯୋଗୁଁ ଏଭଳି ସ୍ଥିତି ହୋଇଥିବା ସରକାରୀ ଅଧିକାରୀମାନେ କହିଛନ୍ତି । ଗତ କିଛି ଦିନ ହେବ ଭେନଜୁଏଲାରେ ପ୍ରବଳ ବର୍ଷା ଜାରି ରହିଛି । ଏଥି ଯୋଗୁଁ ବିଭିନ୍ନ ଅଞ୍ଚଳରେ ବନ୍ୟାସ୍ଥିତି ଦେଖା ଦେଇଛି । ଫଳରେ ଅଧିକାଂଶ ଲୋକଙ୍କ ପ୍ରାଣ ହାନୀ ହୋଇଛି । ଏହା ସହିତ ଉଦ୍ଧାର କାର୍ଯ୍ୟ ମଧ୍ୟ ଜାରି ରହିଛି । ଭେନଜୁଏଲାର ଉପରାଷ୍ଟ୍ରପତି ଡେଲସି ରଡରିଗେସ ଏ ନେଇ ସୂଚନା ଦେଇଛନ୍ତି । ଭୂସ୍ଖଳନ ଯୋଗୁଁ ଘରବାଡି ସବୁ ମାଟି କାଦୁଅ ତଳେ ପୋତି ହୋଇଯାଇଛି । ରାସ୍ତା ଗୁଡିକରେ ଗଛ ଗୁଡିକ ପଡିଛି । ଉପ ରାଷ୍ଟ୍ରପତିଙ୍କ କହିବା ଅନୁସାରେ ଭେନଜୁଏଲାର ୫ଟି ଛୋଟ ଛୋଟ ନଦୀରେ ବନ୍ୟା ହୋଇଛି । ପୁରା ସହର କାଦୁଅରେରେ ଦବି ରହିଛି । ଲୋକମାନଙ୍କୁ ଉଦ୍ଧାର କରିବା ପାଇଁ ଚେଷ୍ଟା ଜାରି ରହିଛି । ଉଦ୍ଧାର କାର୍ଯ୍ୟରେ ସେନାକୁ ନିୟୋଜିତ କରାଯାଇଛି । ସନ୍ଧାନୀ କୁକୁରଙ୍କ ସହି ଉଦ୍ଧାର କାର୍ଯ୍ୟରେ ୧୦୦୦ ଲୋକ ନିୟୋଜିତ ଅଛନ୍ତି ।