ନୂଆଦିଲ୍ଲୀ, ଦୀର୍ଘ ୧୬୯ଦିନର ବ୍ୟବଧାନ ପରେ ଦିଲ୍ଲୀରେ ଚଳପ୍ରଚଳ ହେଲା ମେଟ୍ରୋ ଟେନ । କରୋନା ମହାମାରୀ ସମସ୍ତଙ୍କୁ ବିଚଳିତ କରି ରଖିଛି । ପୃଥିବୀରେ କରୋନା ସଂକ୍ରମଣରେ ଭାରତର ସ୍ଥାନ ଦ୍ୱିତୀୟରେ ରହିଛି । କିନ୍ତୁ ଅର୍ଥବ୍ୟବସ୍ଥାକୁ ଦେଖି ଏବେ ସବୁକିଛି ଆଗଭଳି ଚଳାଚଳ ଆରମ୍ଭ ହୋଇଛି । କିନ୍ତୁ କୋଭିଡ଼ କଟକଣାକୁ ସଠିକ୍ ଭାବରେ ପାଳନ କରିବାକୁ ନିର୍ଦ୍ଦେଶ ଦେଇଛନ୍ତି କେନ୍ଦ୍ରସରକାର । କୋଭିଡ କଟକଣା ଭିତରେ ୮ ଘଂଟା ପାଇଁ ଚାଲିବ ଟ୍ରେନ। ମାସ୍କ ପିନ୍ଧିବା ସହ ସାମାଜିକ ଦୂରତା ବାଧ୍ୟତାମୂଳକ କରାଯାଇଛି । ଜରୁରୀ ନଥିଲେ ମେଟ୍ରୋରେ ନ ଯିବାକୁ ପରାମର୍ଶ ଦିଆଯାଇଛି ।