ନୂଆଦିଲ୍ଲୀ, କରୋନାର ନୂଆ ଷ୍ଟ୍ରେନ ଏବେ ସବୁ ସ୍ଥାନରେ ଆତଙ୍କ ସୃଷ୍ଟି କରିଛି ଯାହାକୁ ନେଇ ଆତଙ୍କିତ ହୋଇପଡିଛନ୍ତି ଲୋକେ । କରୋନା ମହାମାରୀ ଠାରୁ କରୋନା ମହାମାରୀର ନୂଆ ଷ୍ଟ୍ରେନ ୭୦ ପ୍ରତିଶତ ଅଧିକ ଶକ୍ତିଶାଳୀ । ତେଣୁ ଏହାର ସଂକ୍ରମଣ ବହୁତ ଜଲଦୀ ହେବାର ସମ୍ଭାବନା ରହିଛି । ନୂଆ ଷ୍ଟ୍ରେନ ସଂକ୍ରମଣକୁ ଧ୍ୟାନରେ ରଖି ପୁଣି ଥରେ ସାବଧାନତା ଅବଲମ୍ବନ କରାଯାଉଛି । ତେବେ ଏହି କାରଣରୁ ଦେଶରେ ସାଧାରଣତନ୍ତ୍ର ଦିବସ ଉପରେ ମଧ୍ୟ ଏହାର ପ୍ରଭାବ ଦେଖିବାକୁ ମିଳିବ । ପୂର୍ବାପେକ୍ଷା ୨୦୨୧ ସାଧାରଣତନ୍ତ୍ର ଦିବସରେ ଅନେକ ପରିବର୍ତ୍ତନ ଦେଖିବାକୁ ମିଳିବ । ପରେଡର ଦୂରତାକୁ କମ୍ କରି ଦିଆଯିବା ସହ ମାତ୍ର ୨୫,୦୦୦ ଲୋକଙ୍କୁ ନେଇ ସାଧାରଣତନ୍ତ୍ର ଦିବସ ପାଳନ କରାଯିବା ନେଇ ସୂଚନା ମିଳିଛି ।